យុវជនម្នាក់ដែល បង្ហោះវីដេអូរៀបរាប់ពីអំពើពុករលួយនៃការប្រឡងសិស្សចៅក្រម ត្រូវបានតុលាការកោះហៅ ធ្វើការសាកសួរ ក្រោយពីបង្ហោះវីដេអូ ដោយធ្វើការអានសារដែលខ្លួនទទួលបាន រៀបរាប់ពីអំពើពុករលួយជុំវិញដំណើរការប្រឡងសិស្សចៅក្រមនោះ។
យោងតាមដីកាកោះ ចុះថ្ងៃទី២៩ ខែមករា ឆ្នាំ២០២០ ទើបទទួលបាន នៅថ្ងៃទី០១ ខែកុម្ភៈ ឆ្នាំ២០២០នេះ បញ្ជាក់ថា យើងសាយ ណូរ៉ា តំណាងអយ្យការអមសាលាដំបូងរាជធានីភ្នំពេញ អញ្ជើញឈ្មោះ គង់ ប៊ុនរិទ្ធ ភេទប្រុស អាយុ២៩ឆ្នាំ ជនជាតិខ្មែរ ជាជនសង្ស័យ ទីលំនៅបច្ចុប្បន្ន ផ្ទះលេខ៨៦ ភូមិរូងអំពិល ឃុំខ្នាចរមាស ស្រុកបវេល ខេត្តបាត់ដំបង
ឲ្យចូលទៅកាន់អយ្យការអមសាលាដំបូងរាជធានីភ្នំពេញ(ជាន់ទី២ បន្ទប់«ឆ») នៅថ្ងៃទី១៤ ខែកុម្ភៈ ឆ្នាំ២០២០ វេលាម៉ោង០៩និង៣០នាទីព្រឹក ពីដំណើររឿងបរិហារកេរ្តិ៍ជាសាធារណៈ និងបទប្ដឹងបរិហារកេរ្តិ៍ ប្រព្រឹត្តិតាមរយៈការបង្ហោះវីដេអូឃ្លីប និងចែកចាយវីដេអូបរិហារកេរ្ដិ៍ជាសាធារណៈ កាលពីថ្ងៃទី២៦ ខែមករា ឆ្នាំ២០២០។
យោងតាមដីកាកោះដដែលបញ្ជាក់ទៀតថា សាមីខ្លួនត្រូវអញ្ជើញតាមការកោះនេះឲ្យបានទាន់ពេលវេលា និងយកលិខិតផ្សេងៗ ដែលទាក់ទងនឹងរឿងខាងលើមកជាមួយផង ប្រសិនបើមាន។
គួរបញ្ជាក់ថា កាលពីថ្ងៃទី២៦ ខែមករា ឆ្នាំ២០២០ យុវជនឈ្មោះគង់ ប៊ុនរិទ្ធ តាមរយៈហ្វេសប៊ុកឈ្មោះBunrith Kong បានធ្វើការបង្ហោះវីដេអូឃ្លីបមួយ ដោយធ្វើការអានសារ ដែលខ្លួនបញ្ជាក់ថា ទទួលបានពីហ្វេសប៊ុកឆាត រៀបរាប់ពីអំពើពុករលួយជាបណ្ដាញចេញពីដំណើរការនៃការប្រឡងប្រជែងជ្រើសរើសសិស្សចៅក្រមដើម្បីឲ្យមហាជនជ្រាប និងពិចារណា។ លុះនៅថ្ងៃទី២៩ ខែមករា ឆ្នាំ២០២០ យុវជនរូបនេះ ក៏ត្រូវអយ្យការអមសាលាដំបូង កោះហៅដើម្បីធ្វើការសាកសួរជុំវិញការបង្ហោះវីដេអូនេះតែម្ដង៕
អត្ថបទ៖ PN
សាធារណជនជាទីគោរព!ខាងក្រោមនេះជាការឆ្លើយតបរបស់យើងខ្ញុំចំពោះការផ្តល់បទសម្ភាសន៍របស់ឯកឧត្តម កេង សុម៉ារិទ្ធ នាយកសាលាភូមិន្ទចៅក្រមនៃរាជបណ្ឌិតសភាវិជ្ជាជីវៈតុលាការ កាលពីថ្ងៃទី០៣ ខែមករា ឆ្នាំ២០២០ នៅវិទ្យុស្រ្តីhttps://www.facebook.com/116613175028420/posts/2857424980947212/សូមសាធារណជនមេត្តាពិចារណាតាមការគួរ៕សូមអរគុណ!!
Posted by Bunrith Kong on Saturday, January 4, 2020