វិបសាយ Global Firepower បានចាត់ថ្នាក់ប្រទេសវៀតណាមជាមហាអំណាចយោធាលេខ២ នៅអាស៊ាន ឬលេខ២២ ក្នុងពិភពលោក នាឆ្នាំ២០២០នេះ។
ការវាយតម្លៃដាក់ចំណាត់ថ្នាក់បែបនេះ គឺផ្អែកទៅលើចំណុច៨ រួមមាន៖ ១. អំណាចមនុស្ស ២. អំណាចអវកាស ៣. កងទ័ពជើងគោក ៤. កងទ័ពជើងទឹក ៥. ធនធានធម្មជាតិ ៦. លក្ខណៈភូមិសាស្រ្ត ៧. ហិរញ្ញវត្ថុ និង៨. ឡូជីស្ទីក
ប្រភពដដែលបន្តថា វៀតណាម មានឧទ្ធម្ភាគចក្រប្រយុទ្ធ ២៥គ្រឿង (លេខ២៣ក្នុងពិភពលោក) រថក្រោះប្រយុទ្ធ ២៦១៥គ្រឿង (លេខ១០ក្នុងពិភពលោក) និងនាវា ៦៥គ្រឿង (លេខ៣៥ក្នុងពិភពលោក)។ ថវិកាយោធាប្រចាំឆ្នាំកើនពី ៣,៣ពាន់លានដុល្លារ ដល់ ៥,៥ពាន់លានដុល្លារ។
វៀតណាមដែលមានប្រជាជនជាង ៩៧លាននាក់ ក្នុងនោះមានយោធាចំនួនជាង ៥,៤៨លាននាក់ (សកម្ម ៤៨,២ម៉ឺននាក់) ដែលជាចំនួនខ្ពស់លំដាប់ទី៩ ក្នុងពិភពលោក។
ចំណាត់ថ្នាក់ប្រទេសអាស៊ានដទៃទៀតរួមមាន៖-ឥណ្ឌូណេស៊ី លេខ១ ក្នុងតំបន់ (លេខ ១៦ក្នុងពិភពលោក)-ថៃ លេខ៣ ក្នុងតំបន់ (លេខ ២៣ ក្នុងពិភពលោក)-មីយ៉ាន់ម៉ា លេខ៤ក្នុងតំបន់ (លេខ ៣៥ ក្នុងពិភពលោក)-ម៉ាឡេស៊ី លេខ៥ ក្នុងតំបន់ (លេខ ៤៤ ក្នុងពិភពលោក)-ហ្វីលីពីន លេខ៦ ក្នុងតំបន់ (លេខ៤៨ ក្នុងពិភពលោក)-សិង្ហបុរី លេខ៧ ក្នុងតំបន់ (លេខ៥១ ក្នុងពិភពលោក)-កម្ពុជា លេខ៨ ក្នុងតំបន់ (លេខ១០៧ ក្នុងពិភពលោក)-ឡាវ លេខ៩ ក្នុងតំបន់ (លេខ ១៣១ ក្នុងពិភពលោក)៕
អត្ថបទ៖ ខ្លីៗ
