ប្រទេសចិន នឹងប្តូរអគារឧស្សាហកម្មមួយ ទៅជារោងចក្រថ្មីមួយ ដើម្បីផលិតរបាំងមុខ(ម៉ាស) ក្នុងរយៈពេល ត្រឹមតែ០៦ថ្ងៃប៉ុណ្ណោះ ដើម្បីឆ្លើយតបទៅនឹងតម្រូវការ ដែលកំពុងកើនឡើង នៅពេលមានការផ្ទុះឡើងនៃវីរុសថ្មី នេះបើតាមទីភ្នាក់ងារព័ត៌មានចិន ស៊ិនហួរ ។
ការស្ថាបនា បានចាប់ផ្តើមកាលពីព្រឹកថ្ងៃទី១៧ កុម្ភៈនេះ ជាមួយកម្មករ ដែលឆ្លាស់វេនគ្នាសាងសង់ ដើម្បីធានាថា គម្រោងនេះត្រូវបានបញ្ចប់នៅត្រឹម ថ្ងៃសៅរ៍ទី២២ ខាងមុខនេះ ។
រោងចក្រដែលកំពុងសាងសង់ដោយក្រុមហ៊ុន China Construction First Group ត្រូវបានគេ រំពឹងថា នឹងផលិតរបាំងមុខ ២៥០,០០០ ម៉ាសក្នុងមួយថ្ងៃ ។
នៅពេលដែលប្រទេសចិន កំពុងប្រយុទ្ធប្រឆាំងនឹងជំងឺរាតត្បាត ម៉ាស មានតម្រូវការយ៉ាងខ្លាំង សម្រាប់បុគ្គលិកពេទ្យ បុគ្គលិកគ្រប់គ្រងជំងឺ ក៏ដូចជាប្រជាជនទូទៅ ។
រដ្ឋាភិបាលចិន បានលើកទឹកចិត្តដល់អ្នកផ្គត់ផ្គង់ផ្នែកវេជ្ជសាស្ត្រ បង្កើនផលិតកម្ម ដើម្បីផ្គត់ផ្គង់បំពេញបន្ថែមតាមតម្រូវការចំពោះមុខ ៕
អត្ថបទ៖ kbn
