ក្នុងឱកាសដឹកនាំកម្លាំងចុះពិនិត្យមើលទីតាំងដីឡូតិ៍មួយកន្លែងស្ថិតនៅក្នុងភូមិត្រពាំងរុន ឃុំអំពិល ស្រុកប្រាសាទបាគង កាលពីថ្ងៃម្សិលមិញ មន្រ្តីជាន់ខ្ពស់អាជ្ញាធរជាតិអប្សរា បានធ្វើការអំពាវនាវដល់បងប្អូនប្រជាពលរដ្ឋទាំងអស់ សូមប្រុងប្រយ័ត្នចំពោះជនខិលខូចដែលយកដីតំបន់អប្សរាទៅពុះជាដីឡូតិ៍លក់។
លោក ឡុង កុសល អ្នកនាំពាក្យអាជ្ញាធរជាតិអប្សរាបានលើកឡើងថា តំបន់នេះគឺជាដីក្នុងការគ្រប់គ្រងរបស់អាជ្ញាធរជាតិអប្សរា ដែលមិនឲ្យជនណាម្នាក់មកធ្វេីអាជីវកម្ម ឬលក់ដូរដីតំបន់នេះទេ ព្រោះជាតំបន់អភិរក្សក្បែរឧទ្យានអង្គរម្យ៉ាងតំបន់នេះ គឺជាតំបន់២ គឺជាសូន្យដែនដីការពារដោយមន្ត្រីអាជ្ញាធរជាតិអប្សរា។
លោកថា ជុំវិញករណីនេះ លោកធ្លាប់ផ្តល់ព័ត៍មានជូនដល់ប្រជាពលរដ្ឋ និងមន្ត្រីមូលដ្ឋានហេីយ ពីការហាមលក់ដីនឹងចុះហត្ថលេខា វ៉ៃត្រាលេីខិលិតលក់ដីក្នុងតំបន់ឧទ្យានដែលគ្រប់គ្រងដោយអាជ្ញាធរជាតិអប្សរា៕
អត្ថបទ៖ ANN
