នៅមួយរយៈចុងក្រោយនេះ គេសង្កេតឃើញថា ប្តីប្រពន្ធ ឬគូសង្សារមួយចំនួន ពេលជួបបញ្ហាប្រេះឆាបែកគ្នា ម្នាក់ៗតែងចេញមុខឡាយវីដេអូ ហ្វេសប៊ុកហែកហួរ វាយប្រហារនិយាយពីរឿងអាស្រូវពីគ្នាគ្មានសំចៃមាត់ ដើម្បីដណ្តើមយកត្រូវរៀងៗខ្លួន ដែលទង្វើនេះ មិនខុសពីបើកទ្រូងឲ្យក្អែកចឹក ឬលាត់សំពត់ឲ្យញាតិឃើញឡើយ ។
ករណីប្រពន្ធប្តីហែកហួរគ្នា រឿងរ៉ាវអាថ៌កំបាំងគ្រួសារឯងលើបណ្ដាញសង្គម Facebook, Zalo ឬ Twitter នេះ បើនៅប្រទេសវៀតណាម មានច្បាប់មួយចែងថា ជាបទល្មើសរំលោភបំពានសិទ្ធិ និងមិនគោរពសិទ្ធិបុគ្គល ហើយក៏អាចប្រឈម ជាប់ពន្ធនាគារចន្លោះពី ៣ខែដល់៧ឆ្នាំ និងផាកពិន័យជាប្រាក់ចន្លោះពី ១ លានទៅ ១,៥ លានដុង ឬប្រហែល៤៤ ទៅ៦៥ ដុល្លារអាមេរិក៕
