ការឆ្លងរាលដាលនៃវីរុសកូវីដ-១៩ កើនឡើងនៅអាមេរិក បង្កក្តីបារម្ភយ៉ាងខ្លាំងដល់ពលរដ្ឋ។ ទីក្រុងសាន់ហ្វ្រាំងស៊ីស្កូ ដែលជាទីកន្លែងឆ្លងច្រើនជាងគេបានប្រកាសអាសន្ន ស្នើឲ្យពលរដ្ឋការពារ ការឆ្លងរាលដាលឲ្យមានប្រសិទ្ធភាពបំផុត។
ជាមួយគ្នានោះដែរ មជ្ឈមណ្ឌលគ្រប់គ្រងនិងបង្កាជំងឺឆ្លងអាមេរិក CDC បានព្រមានថា វិរុសផ្លូវដង្ហើមថ្មីនិងឆ្លងរាលដាលនៅអាមេរិក។ CDC ក៏បានអំពាវនាវដល់ពលរដ្ឋ ត្រៀមលក្ខណៈទប់ស្កាត់ការឆ្លងរាលដាលនៃវិរុសកូវីដ -១៩ ខណៈប្រទេស អ៊ីរ៉ង់ អ៊ីតាលី កូរ៉េខាងត្បូង ជប៉ុន … មានការណីឆ្លងរាលដាលយ៉ាងខ្លាំង។ អូ
ចំនួនអ្នកស្លាប់នៅក្នុងប្រទេសអ៊ីរ៉ង់ កើនឡើងដល់ទៅ១៦នាក់ គឺខ្ពស់បំផុត សម្រាប់ប្រទេស នៅក្រៅពីប្រទេសចិនដែលជាចំណុចចាប់ផ្តើមនៃវីរុសផ្លូវដង្ហើម។ចំណែកអ្នកឆ្លងវីរុសនៅអ៊ីរ៉ង់ កើនឡើងដល់៩៥នាក់ហើយ។ ដោយឡែកនៅប្រទេសអ៊ីតាលី មានអ្នកស្លាប់១១នាក់និងឆ្លងរាលដាល៣២២នាក់ បានក្លាយទៅជាសម្បុក កូវីដ-១៩នៅក្នុងតំបន់អ៊ឺរ៉ុប ។ចំពោះប្រទេសកូរ៉េខាងត្បូង វិញ ក្លាយជាប្រទេសទីពីរ បន្ទាប់ពីចិន ដែលមានករណីឆ្លង កូវីដ-១៩ដល់ទៅ១ពាន់នាក់ហើយ និងមានអ្នកស្លា ប់ កើនឡើង១១នាក់ផងដែរ។
ចំពោះស្ថានភាពនៃការឆ្លងរាលដាល និងស្លា ប់ដោយវីរុសកូវីដ-១៩ គិតមកត្រឹមថ្ងៃទី២៦ ខែកុម្ភៈ ឆ្នាំ២០២០ ជំងឺ COVID-19 បានឆ្លងរាលដាល់ប្រទេសចំនួន៤២ និងឆ្លងទៅលើមនុស្សសរុប ៨០ ៤៣២ នាក់ ក្នុងនោះ អ្នកជំងឺដែលស្លា ប់មានចំនួន ២ ៧១១នាក់ ។ កូរ៉េខាងត្បូងមានករណីជំងឺនេះច្រើនជាងគេ បន្ទាប់ពីប្រទេសចិន។
យោងតាមការចេញផ្សាយរបស់គេហទំព័រ wikipedia បានបញ្ជាក់ថា វីរុស COVID-19 មកដល់ពេលបច្ចុប្បន្ននេះបានឆ្លងរាលដាលប្រទេសក្នុងតំបន់ និងជុំវិញពិភពលោកសរុប៤២ប្រទេស ហើយថា អ្នកជំងឺចំនួន ២ ៧១១នាក់បានបា ត់ ប ង់ ជីវិត ។
ជំងឺ COVID-19 ផ្ទុះឡើងដំបូងនៅក្នុងខែធ្នូ ឆ្នាំ២០១៩ នៅទីក្រុងវូហាន ខេត្តហ៊ូប៉ី ភាគកណ្តាលប្រទេសចិន ។ នៅប្រទេសចិន មានអ្នកឆ្លងជំងឺនេះសរុប ៧៧ ៦៦០នាក់, បាត់បង់ជីវិត ២ ៦៦៣នាក់ និងចាកចេញពីមន្ទីរពេទ្យសរុប ២៧ ៦២៤នាក់ផងដែរ ។យោងតាមការចេញផ្សាយរបស់ប្រភពដដែលនេះបញ្ជាក់ថា ប្រទេសកូរ៉េឈរលំដាប់ទី២បន្ទាប់ពីចិន ។ កូរ៉េខាងត្បូងមានអ្នកជំងឺសរុប៩៧៧នាក់, ស្លា ប់១១នាក់ និងចាកចេញពីមន្ទីរពេទ្យ២២នាក់ ។
សូមបញ្ជាក់ថា មកទល់ពេលបច្ចុប្បន្ននេះ ជំងឺ COVID-19 អ្នកជំនាញនៅមិនទាន់រកឃើញថ្នាំព្យាបាលជាក់លាក់នៅឡើយទេ ក្នុងនោះសូម្បីតែវាក់សាំងបង្ការក៏ដោយ ។ មន្ត្រីអង្គការសុខភាពពិភពលោកបានប្រកាសអាសន្នជំងឺនេះ ហើយថា កំពុងតែខិតខំស្វែងរកថ្នាំព្យាបាលឲ្យបានជាក់លាក់ក្នុងពេលឆាប់ៗ ។
យ៉ាងណាក៏ដោយ ជំងឺCOVIDI-19នេះ បានឆ្លងរាលដាលយ៉ាងឆាប់រហ័សពាសពេញពិភពលោក នៅលើប្រទេសចំនួន៤២ហើយ នៅថ្ងៃទី២៦ ខែកុម្ភៈ ឆ្នាំ២០២០ ។ ក្នុងនោះផងដែរ អ្នកជំងឺឆ្លងសរុប ៨០ ៤៣២នាក់, ស្លាប់ ២៧១១នាក់ ។ ប៉ុន្តែអ្នកជំងឺសរុប ២៧ ៨៩៩នាក់ បានចាកចេញពីមន្ទីរពេទ្យវិញផងដែរ ៕
អត្ថបទ៖ kndnews
