លោកនាយករដ្ឋមន្ត្រីជប៉ុនបានថ្លែងនៅថ្ងៃនេះថា ខាងរាជរដ្ឋាភិបាល នឹងស្នើឲ្យសាលាបឋម អនុវិទ្យាល័យ និងវិទ្យាល័យទាំងអស់ បិទទ្វារបណ្ដោះអាសន្ន ចាប់ពីថ្ងៃទី ០២ ខែមីនា រហូតដល់ចុងខែមីនា ដើម្បីការពារសុខភាពសិស្សពីវីរុស COVID-19
ក្នុងកិច្ចប្រជុំ លោកនាយករដ្ឋមន្ត្រីរូបនេះ បាននិយាយថា រាជរដ្ឋាភិបាលគិតគូពីសុខភាព និងសុវត្ថិភាពរបស់ក្មេងៗជាងអ្វីៗទាំងអស់គួរបញ្ជាក់ថា គិតមកទល់ពេលនេះ ប្រទេសជប៉ុន បានប្រកាសចំនួនអ្នកឆ្លងវីរុសCOVID-19 ចំនួន ២០៧ នាក់ ខណៈអ្នកស្លាប់មានចំនួន ៤ នាក់ ។ អត្រានេះដែរ មិនរាប់បញ្ចូលអ្នកឆ្លង និងស្លាប់នៅកប៉ាល់ទេសចរណ៍ ឡើយ ៕
អត្ថបទ៖ ប្រជាប្រិយ
