“ប្រទេសអ៊ីរ៉ង់ កំពុងរង កា រ រិះ គ ន់រឿងខ្វះការយកចិត្តទុកដាក់ការពារពីការឆ្លងវីរុស COVID-19 ក្រោយធ្លាយវីដេអូ អ្នកកាន់សាសនា នាំគ្នាលិឍទីសក្ការៈ ដោយមិនខ្វល់ខ្លាចឆ្លងរោគ ។ ខណៈប្រទេសមួយនេះ ក្លាយជាប្រទេសទី ២ ដែលមានចំនួនអ្នកស្លា ប់ដោយ វីរុសថ្មីនេះច្រើនជាងគេ ខាងអាជ្ញាធរបានព្រ មា នប្រជាពលរដ្ឋរបស់ខ្លួន ចៀសវា ងកា រចេញដើរក្រៅ រួមទាំងធ្វើការបិទសាលា មហាវិទ្យាល័យ រួមទាំងកន្លែងហា ត់ប្រាណនានា ដើម្បីបញ្ចៀសការឆ្លងវីរុសកា ចសា ហា វមួយនេះ ។
ទោះជាយ៉ាងណាក៏ដោយ អ៊ីរ៉ង់នៅតែទទួលបានការចោទប្រកាន់ និងរិះគន់លើការធ្វេសប្រហែលក្នុងការការពារប្រជាជនខ្លួន ក្រោយ ក្រុមបុព្វជិតសាសនាប្ដូផ្ដាច់ បានបដិសេធ មិនឲ្យមានការ បិ ទតំបន់ទីសក្ការៈរបស់ពួកគេឡើយ សូម្បីតែនៅភាគខាងជើងនៃក្រុង Qom ដែលជាកន្លែងកំពុងផ្ទុះខ្លាំងនៃការរាតត្បាតពីវីរុស COVID-19 ក៏ដោយ ។
ជាមួយគ្នានោះដែរ បើតាមវីដេអូបានបង្ហោះលើបណ្ដាញសង្គមនោះ បានបង្ហាញឲ្យឃើញថា អ្នកកាន់សាសនាប្ដូផ្ដាច់ទាំងនោះ បានលិឍទ្វារ និងចេតិយក្នុងទីសក្ការៈ Masumeh ដោយប្រឆាំងនឹងដំបូន្មានរបស់ក្រសួងសុខាភិបាល ដែលហាមមិនឲ្យប៉ះ ឬថើបកន្លែងណាក៏ដោយ ដែលអ្នកកាន់សាសនាធ្លាប់ធ្វើកន្លងមកនោះ ។ ក្នុងវីដេអូនោះដែរ អ្នកកាន់សាសនាដ៏ប្ដូផ្ដាច់នេះ បាននិយាយថា ពួកគេមិនខ្វល់ថាមានរឿងអីកើតឡើងនោះឡើយ បើទោះបីជាពួកគេឆ្លង ឬចម្លងជំងឺនេះក៏ដោយ ៕
អត្ថបទ៖ ប្រជាប្រិយ
