បើតាមសារព័ត៌មានOriental Daily បានបញ្ជាក់ថា មានហេតុការណ៍មួយ បានកើតឡើងក្នុងប្រទេសកូរ៉េខាងត្បូង ដែលជាប្រទេសកំពុងមានករណីឆ្លងជាង ៦ ពាន់នាក់ ខណៈមនុស្សចំនួន ៤០ នាក់បានស្លា ប់ដោយ វីរុស ស្ត្រីជាបុគ្គលិកមន្ត្រីរាជការ ដែលបម្រើការងារក្នុងស្រុក នៃទីក្រុងសេអ៊ូល ត្រូវបានស ង្ស័ យ ថា បានឆ្លងវីរុស ពីក្នុងអគារស្នាក់នៅរប ស់នាង ក្រោយចូលជិះជណ្ដើរយន្តរួមគ្នា ជាមួយអ្នកជំងឺដែ លផ្ទុកវីរុស នេះ ។
ការជិះជណ្ដើរយន្តនេះ ចំណាយពេលត្រឹមរយៈពេល ១ នាទីប៉ុណ្ណោះ ហើយពួកគេទាំង ២ នាក់មិនមានពាក់ម៉ាស់ដូចគ្នា ។ ប្រធានសមាគមសុខាភិបាលប្រចាំប្រទេសកូរ៉េបាននិយាយថា ទំហំក្នុងជណ្ដើរយន្តគឺចង្អៀតខ្លាំង ហើយវាពិបាកសម្រាប់អ្នកជិះ ក្នុងការរក្សាសុវត្ថិភាពនៃចំងាយឆ្ងាយពីគ្នាប្រវែងលើសពី ២ ម៉ែត្រណាស់ ។ វីរុសនេះផងដែរ អាចចម្លងតាមភាគល្អិតតូចៗក្នុងបរិយាកាស ឬតាមរយៈការចុចប៊ូតុងលេខជណ្ដើរយន្តរួមគ្នា ។
ដូច្នេះហើយ បានជាវាពិតជាសំខាន់ណាស់ សម្រាប់គ្រប់គ្នា ក្នុងការចៀសវាងប៉ះពាល់ប៊ូតុងចុចលើជណ្ដើរយន្ត ខណៈវាចាត់ចូលជាប្រភពមួយងាយចម្លងរោគបំផុត ។ អ្វីៗដែលប្រិយមិត្តគួរធ្វើបំផុត ដើម្បីបញ្ចៀសការឆ្លងរោគ គឺត្រូវលាងដៃរបស់ខ្លួនឯងឲ្យបានញឹកញាប់ជាមួយសាប៊ូ និងទឹក ហើយជៀសវាងប៉ះពាល់ផ្ទៃមុខរបស់អ្នក នៅពេលនៅកន្លែងសាធារណៈ ៕
អត្ថបទ៖ ប្រជាប្រិយ
