មន្ត្រីគយនៅក្រុងខេត្តឧត្តរមានជ័យ មួយចំនួនបានឲ្យដឹងថា លោក ឈុន សុភមង្គល ប្រធានសាខាគយខេត្តឧត្តរមានជ័យ កំពុងសាងភាពល្បីល្បាញខាងពុករលួយដោ យគ្មានញញើតអ្វីទាំងអស់ ព្រោះអាង មានខ្នងបង្អែករឹងមាំ។
ប្រភពបានឲ្យដឹងទៀតថា លោក ឈុន សុភមង្គល កំពុងយកជំនាញនៃអំពើពុករលួយ កាល នៅធ្វើជាប្រធាន សាខាគយ ខេត្តបាត់ដំបង មកអនុវត្តន៍ក្នុងតួនាទីជាប្រធានសាខា គយខេត្តឧត្តរមានជ័យ យ៉ាងរលូន ហើយយកឈ្មោះលោក
គុណ ញឹម ដែលជាមេគ យធំ មកបិទបាំងរឿង អាស្រូវនិងអំពើពុ ករលួយរបស់ខ្លួនយ៉ាងក្រ អឺក្រទម។ ហេតុនេះហើយទើបមានសេចក្តីអំពាវនាវឲ្យលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ចាត់វិធាន ទប់ស្កាត់អំពើពុករ លួយរប ស់លោក ឈុន សុភមង្គល ប្រធានសាខាគយខេត្តឧត្តរមានជ័យ និងបក្ខពួកខ្លះផង។
ប្រភពពីព័ត៌មាន បានឲ្យដឹងថា បច្ចុប្បន្នលោក វ៉ាន់ ក្តេ ប្រធានការិយាល័ យគយច្រកអូរស្មាច់ ឃុប ឃិ តឲ្យឈ្មួញនាំចូលទំនិញគេចពន្ធ ទំនិញខុសច្បាប់ និងទំនិញបង់ពន្ធមិនគ្រប់ តាមច្រកនេះយ៉ាងគំ ហុក។ ប្រភពស្និទ្ធនឹងលោក វ៉ាន់ ក្តេ ប្រធានការិយាល័យគយ ច្រកអូរស្មាច់ បានឲ្យដឹងថា ការដែលលោក វ៉ាន់ ក្តេ ហ៊ានធ្វើអ្វីៗតាមអំ ពើចិត្តគឺដោ យសារអា ងមានលោក ឈុន សុភមង្គល ប្រធានសាខាគ យខេត្តឧត្តរមានជ័យ ជាបង្អែកដ៏រឹងមាំ។ ទន្ទឹមនឹងនេះដោ យសារ លោក វ៉ាន់ ក្តេ ចំណាយដើមទន់អស់ច្រើនក្នុងការទទួល បានតំណែង ជាប្រធានការិយាល័យគយច្រកអូរស្មាច់ ទើបខំប្រឹងប្រព្រឹត្តអំពើពុករលួយ ប្រមូលលុយស្រង់ដើមយ៉ាងតក់ក្រហល់គ្មានញញើតអ្វីឡើយ។
ចំណែកប្រភពពីមន្ត្រីពាក់ព័ន្ធនៅច្រកទ្វារអន្តរជាតិជាំ ស្រុកអន្លង់វែង ខេត្តឧត្តរមានជ័យ បានឲ្យដឹងថា រហូតមកដល់ពេលនេះលោក កែវ សារ៉ាត់ ប្រធានការិយាល័យគយច្រកទ្វារអន្តរជាតិជាំ ឃុបឃិតឲ្យឈ្មួញ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់មិនចាញ់លោក វ៉ាន់ ក្តេ ប្រធានការិយាល័យគយ ច្រកអូរស្មាច់ នោះទេ។ ទន្ទឹមនឹងនេះប្រធានការិយាល័យគយនៅច្រកជប់គគីរ ស្រុកបន្ទាយអំពឹល ខេត្តឧត្តរមានជ័យ ក៏ឃុបឃិតឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ ប្រេងសាំងគេចពន្ធយ៉ាងគំហុកព្រោះ មានការឃុបឃិតបើកដៃពីសំណាក់លោក ឈុន សុភមង្គល ប្រធានសាខាគយខេត្តឧត្តរមានជ័យ ដែលកំពុងសាងភាពល្បីល្បាញខាងពុករលួយ។
ប្រភពស្និទ្ធនឹងលោក ឈុន សុភមង្គល ប្រធានសាខាគយខេត្តឧត្តរមានជ័យ បានឲ្យដឹងថា ទំនិញដែលឈ្មួញ នាំចូល តាមច្រកអូរស្មាច់ ច្រកជាំ និងច្រកជប់គគីរ បង់ពន្ធត្រឹម៣៥ទៅ៤០ភាគរយប៉ុណ្ណោះ ព្រោះលោក ឈុន សុភមង្គល បណ្តោយឲ្យមន្ត្រីគយប្រចាំច្រកទាំង៣នោះ ប្រព្រឹត្តអំពើពុករលួយយ៉ាងពេញទំហឹង ។ ព័ត៌មានខាងលើនេះ សារព័ត៌មាន មិនអាចទំនាក់ទំនងបានទេ ព្រោះខលទៅមិនចូល ៕
អត្ថបទ៖ អរិយធម៌
