ប្រធានាធិបតីហ្វីលីពីនលោក Rodrigo Duterte បានយល់ព្រមធ្វើតេស្ត៍រកវីរុស Covid 19 ចំណែកមន្ត្រីសេដ្ឋកិច្ចសំខាន់ៗរបស់គាត់ត្រូវបានដាក់ឱ្យនៅដាច់ពីគេ ដើម្បីជាការបោសសំអាត រដ្ឋធានីរបស់ប្រទេសនេះពីវីរុស។ គួរបញ្ជាក់ថា ក្រសួងសុខាភិបាលបាននិយាយកាលពីថ្ងៃពុធថា មនុស្សទីពីរបានស្លាប់ក្នុងចំណោម ៤៩ ករណីដែលបានបញ្ជាក់នៅក្នុងប្រទេសហ្វីលីពីន។
នៅក្នុងសេចក្ដីថ្លែងការណ៍មួយបានបញ្ជាក់ថា ធនាគារកណ្ដាល នាយកដ្ឋានហិរញ្ញវត្ថុ ព្រឹទ្ធសភានិងធនាគារអភិវឌ្ឍន៍អាស៊ី នឹងត្រូវបិទទ្វារចាប់ពីថ្ងៃព្រហស្បតិ៍នេះតទៅ។ ប៉ុន្តែ ប្រតិបត្តិការទីផ្សារនិងការទូទាត់នៅធនាគារកណ្ដាលនៅ Bangko Sentral ng Pilipinas ក៏ដូចជាការផ្ដល់សេវាដកសាច់ប្រាក់របស់ធនាគារនឹងបន្តដូចធម្មតាដដែល។កម្មករម្នាក់បាញ់ថ្នាំសម្លាប់មេរោគតាមបណ្ដោយផ្លូវក្បែរផ្សារសាធារណៈក្នុងទីក្រុងម៉ានីលកាលពីថ្ងៃពុធ
អភិបាលក្រុង Bangko Sentral ng Pilipinas គឺលោក Benjamin Diokno និងលោក Carlos Dominguez ជារដ្ឋមន្ត្រីក្រសួងហិរញ្ញវត្ថុ រួមទាំងលេខាធិការដឹកជញ្ជូនគឺលោក Arthur Tugade បាននិយាយដាច់ដោយឡែកថា ពួកគេនឹងបន្តឃុំខ្លួនឯងក្នុងបន្ទប់ដាច់ដោយឡែក បន្ទាប់ពីពួកគេបានជួបជាមួយអ្នកឆ្លងវីរុស។
ទោះជាយ៉ាងណា អ្នកនាំពាក្យគឺលោក Salvador Panelo បាននិយាយនៅក្នុងសេចក្ដីថ្លែងការណ៍មួយថា លោកប្រធានាធិបតីDuterte មិនមានរោគសញ្ញានៃវីរុសទេ ប៉ុន្តែលោកបានជ្រើសរើសធ្វើតេស្ត៏រកវីរុសនេះ។ លោកបាននិយាយថា ក្រុមការងារអន្តរជាតិនៃទីភ្នាក់ងារស្ដីពីការរីករាលដាលនៃជំងឺឆ្លង នឹងជួបគ្នានៅថ្ងៃព្រហស្បតិ៍ ដើម្បីពិភាក្សាពីវិធានការបន្ទាន់ចំពេលមានការផ្ទុះឡើង។
គួររំលឹកថា សមាជិកព្រឹទ្ធសភាយ៉ាងតិចពីររូបក៏នឹងត្រូវដាក់ដាច់ដោយឡែកផងដែរ បន្ទាប់ពីភ្ញៀវម្នាក់នៅក្នុងសវនាការកាលពីថ្ងៃទី ៥ ខែមីនា ត្រូវបានបញ្ជាក់ថាមានវីរុស Covid-19 ។ គេមិនអាចសន្និដ្ឋានបានភ្លាមៗទេថា តើលោក Dominguez Tugade ដែលជាមេធាវី និងសមាជិក ព្រឹទ្ធសភាដទៃទៀតត្រូវបានប៉ះពាល់ជាមួយមនុស្សដូចគ្នាណាខ្លះទេ ៕
អត្ថបទ៖ កម្ពុជាថ្មី
