បើតាមការចេញផ្សាយរបស់ទីភ្នាក់ងារសារព័ត៌មាន Reuters នាព្រឹកថ្ងៃសុក្រ ទី១៣ ខែមីនា ឆ្នាំ២០២០នេះ អ្នកនាំពាក្យក្រសួងការបរទេសចិន បានលើកឡើងថា យោធាសហរដ្ឋអាមេរិក ទំនងជាអ្នកដែលបាននាំវីរុសកូរ៉ូណាថ្មី ឬ COVID-19 ចូលទៅកាន់ទីក្រុងវូហាន របស់ប្រទេសចិន ជាទីដែលបានទទួលរងការវា យប្រហារដំបូង និងខ្លាំងជាងគេបំផុតនៃវីរុសនេះ។
លោក ចៅ លីចៀន (Zhao Lijian) អ្នកនាំពាក្យក្រសួងការបរទេសចិន បានលើកឡើងថា ចំពោះការចោទប្រកាន់របស់មន្ត្រីអាមេរិក ដែលថា ខ្លួនមានភាពយឺតយ៉ាវក្នុងការឆ្លើយតបនឹងវីរុស ដែលត្រូវបានរកឃើញដំបូងនៅទីក្រុងវូហាន កាលពីចុងឆ្នាំ ២០១៩កន្លងទៅ ។
យក្រសួងការបរទេសចិន បានសរសេរលើទំព័រ Twitter ថា តើអ្នកជំងឺសូន្យ ចាប់ផ្តើមនៅអាមេរិកនៅពេលណា? តើមានមនុស្សប៉ុន្មាននាក់ឆ្លងរោគ? តើមន្ទីរពេទ្យដែលពួកគេសម្រាកព្យាបាលមានឈ្មោះអ្វីខ្លះ? វាអាចជាកងទ័ពអាមេរិក ដែលជាអ្នកនាំវីរុសនេះមកកាន់ទីក្រុងវូហាន ក៏ថាបាន។
លោក ហ្គែង ហ្ស័ង (Geng Shuang) អនុប្រធាននាយកដ្ឋានព័ត៌មាន នៃក្រសួងការបរទេសចិន និងជាអ្នកនាំពាក្យផងដែរនោះ ក៏បានរិះគន់ដែរថា «សហរដ្ឋអាមេរិក អសីលធម៌ និងគ្មានការទទួលខុសត្រូវ ដែលបានស្តីបន្ទោសចិនចំពោះរឿងនេះ ហើយលោកក៏បានអំពាវនាវឲ្យមន្រ្តីអាមេរិកមួយចំនួន ដែលគិតតែស្តីបន្ទោសចិន ឲ្យផ្តោតការយកចិត្តទុកដាក់ និងថាមពលរបស់ពួកគេ ទៅលើដំណោះស្រាយឆ្លងតបនឹងវីរុសនេះ ទើបជាការល្អជាង៕
