ខណៈដែលប្រទសកម្ពុជា កំពុងរីករាលដាលជំងឺកូវីត១៩ ដែលគិតមកដល់ពេលនេះមានអ្នកផ្ទុកចំនួន៧នាក់ ដែលក្នុងនោះមានជនជាតិខ្មែរម្នាក់ផងដែរនោះ រដ្ឋាភិបាលសហរដ្ឋអាមេរិក តាមរយៈទីភ្នាក់ងារជំនួយអាមេរិក USAID នឹងផ្តល់ជំនួយចំនួន២លានដុល្លារបន្ថែមទៀតនៅក្នុងប្រទេសកម្ពុជា សម្រាប់ផ្នែកទំនាក់ទំនងគ្រប់គ្រងហានិភ័យ ការចូលរួមសហគមន៍ និងការគាំទ្រដល់មន្ទីរពិសោធន៍។
មនុស្ស៧នាក់ដែលផ្ទុកកូវីត១៩ នៅប្រទេសកម្ពុជា រួមមាន៖ទី១៖ បុរសជនជាតិចិន មកពីទីក្រុងវូហាន (ជាសះស្បើយ)ទី២៖ បុរសជនជាតិខ្មែរ វ័យ៣៨ឆ្នាំ នៅខេត្តសៀមរាបទី៣៖ ស្រ្តីជនជាតិអង់គ្លេស វ័យ៦៥ឆ្នាំ អ្នកដំណើរនាវា Viking Cruise Journey នៅខេត្តកំពង់ចាមទី៤៖ បុរសជនជាតិអង់គ្លេស វ័យ៧៣ឆ្នាំ អ្នកដំណើរនាវា Viking Cruise Journey នៅខេត្តកំពង់ចាមទី៥៖ ស្រីជនជាតិអង់គ្លេស វ័យ៦៩ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម។ទី៦៖ បុរសជនជាតិកាណាដា អាយុ៤៩ឆ្នាំ នៅរាជធានីភ្នំពេញទី៧៖ បុរសជនជាតិប៊ែលហ្សិក អាយុ៣៣ឆ្នាំ នៅរាជធានីភ្នំពេញ
គួរបញ្ជាក់ថា កាលពីថ្ងៃសុក្រ ទី១៣ ខែមីនា ឆ្នាំ២០២០ លោកប្រធានាធិបតីសហរដ្ឋអាមេរិក ដូណាល់ ត្រាំ បានប្រកាសដាក់ប្រទសក្នុងគ្រាមានអាសន្ន ដើម្បីប្រយុទ្ធប្រឆាំងជំងឺកូវីត១៩។ ហើយលោកដូណាល់ ត្រាំ ក៏បានដាក់បំរាមប្រទេសចំនួន២៦នៅក្នុងតំបន់អឺរ៉ុប មិនឲ្យចូលទឹកដីអាមេរិកឡើយ។យ៉ាងណា គិតមកដល់ពេលនេះ សហរដ្ឋអាមេរិកមានអ្នកឆ្លងកូវីត១៩ ចំនួន២០៣៤នាក់ ស្លាប់ចំនួន៤៣នាក់ និងព្យាបាលជាសះស្បើយ៨នាក់៕
អត្ថបទ៖ នគរធំ
