អាជ្ញាធរខណ្ឌច្បារអំពៅ បានធ្វើការបដិសេធចំពោះព័ត៌មានមិនពិត គ្មានមូលដ្ឋានច្បាស់លាស់ ទៅលើបណ្តាហ្វេសបុកមួយចំនួនថា សង្កាត់ព្រែកប្រា កើត COVID-19 ៤០រូប។បើតាមរបាយការណ៍ដែលភ្នាក់ងារកម្ពុជាថ្មី ទទួលបានឲ្យដឹងថា “ព័ត៌មាននេះជាព័ត៌មានមិនពិតគ្មានមូលដ្ឋានច្បាស់លាស់នោះទេ ចំពោះបណ្តាFBមួយចំនួនថា សង្កាត់ព្រែកប្រា កើត COVID-19 ៤០រូបមិនពិតឡើយ ជាព័ត៌មានបំពុលសង្គម”។
ពលរដ្ឋជនជាតិឥស្លាមរស់នៅក្នុងសង្កាត់ព្រែកប្រា ខណ្ឌច្បារអំពៅ មានចំនួន៧នាក់ ក្នុងចំណោមពលរដ្ឋជនជាតិឥស្លាមក្នុងប្រទេសកម្ពុជា ដែលបានចូលរួមក្នុងពិធីអ៊ិជទីម៉ាក នៅជាយទីក្រុងកូឡាឡាំពួរ ប្រទេសម៉ាឡេស៊ី។
បច្ចុប្បន្ននេះ ក្រសួងសុខាភិបាលបានយកចិត្តទុកដាក់តាមដានពិនិត្យសុខភាព និងធ្វើតេស្តស្វែងរកជំងឺcovid-19 លើពួកគាត់ទាំងអស់គ្នា។ លទ្ធផលនៃការត្រួតពិនិត្យក្រសួងសុខាភិបាល នឹងប្រកាសជូនជាសាធារណៈ។យោងតាមរូបថតខាងក្រោមដែល ក្រុមសុខាភិបាលបានចុះផ្ទាល់ជាមួយបងប្អូនសាសនិកកាលពីម្សិលមិញ ម៉ោង ៤និង២៥នាទីល្ងាច ដោយផ្ទាល់ ដូចបានជំរាបខាងលើ៕
