ឯកឧត្ដម ប្រាក់ សុខុន រដ្ឋមន្ត្រីក្រសួងការបរទេសបានស្នើឱ្យមន្ត្រីរបស់ខ្លួនធ្វើការនៅផ្ទះនៅក្នុងស្ថានភាពដែលកម្ពុជាបានរកឃើញអ្នកផ្ទុក Covid-19 ទាំងជនជាតិខ្មែរ និងបរទេសជាបន្តបន្ទាប់ ។
យោងតាមសំឡេងសារដែលរដ្ឋមន្ត្រីក្រសួងការបរទេសផ្ញើនៅក្នុងបណ្ដាញទំនាក់ទំនងសង្គម Telegram ។ តាមសារជាសំឡេងនោះឯកឧត្ដម ប្រាក់ សុខុន បញ្ជាក់ថា មន្ត្រីអាចធ្វើការតាមអនឡាញពីផ្ទះបានលើកលែងតែអ្នកដែលចាំបាច់បំផុតដែលត្រូវមកធ្វើការនៅទីស្ដីការក្រសួង ។ ដោយវិធានការនេះត្រូវបានអនុវត្តចាប់ពីថ្ងៃទី១៦ ខែមីនា ឆ្នាំ២០២០នេះតទៅរហូតដល់មានការជូនដំណឹងជាថ្មី ។
គិតត្រឹមម៉ោង ១១:៤០នាទីយប់ថ្ងៃទី១៥ខែ មីនាឆ្នាំ២០២០នេះ កម្ពុជាបានរកឃើញអ្នកមានវីរុសកូវីដ-១៩ ចំនួន ១២ករណីហើយ ដោយក្នុងនោះរួមមាន៖១-បុរសជនជាតិចិន មកពីទីក្រុងវូហាន (ជាសះស្បើយ)២-បុរសជនជាតិខ្មែរ វ័យ៣៨ឆ្នាំ នៅខេត្តសៀមរាប៣-ស្ត្រីជនជាតិអង់គ្លេស វ័យ៦៥ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម៤-បុរសជនជាតិអង់គ្លេស វ័យ៧៣ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម
៥-ស្រីជនជាតិអង់គ្លេស វ័យ៦៩ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម៦-បុរសជនជាតិកាណាដា អាយុ៤៩ឆ្នាំ នៅរាជធានីភ្នំពេញ៧-បុរសជនជាតិប៊ែលហ្សិក អាយុ៣៣ឆ្នាំ នៅរាជធានីភ្នំពេញ៨-បុរសជនជាតិបារាំង អាយុ៣៥ឆ្នាំ នៅរាជធានីភ្នំពេញ៩-កូនជនជាតិបារាំងអាយុ០៤ខែដែលជាកូនជនជាតិបារាំងអាយុ៣៥ឆ្នាំនៅភ្នំពេញ១០-បុរសជនជាតិខ្មែរដែលវិលមកពីប្រទេសបារាំង១១-ខ្មែរអុីស្លាមត្រឡប់មកពីប្រទេសម៉ាឡេសុីនៅខេត្តព្រះវិហាររអាយុ៣៥១២-ខ្មែរអុីស្លាមត្រឡប់មកពីប្រទេសម៉ាឡេសុីនអាយុ៣៩នៅខេត្តស្ទឹងត្រែង
អត្ថបទ៖ ប្រជាប្រិយ
សូមចុចទស្សនាវិដេអូ
សារសំឡេងរបស់លោក ប្រាក់ សុខុន រដ្ឋមន្ត្រីក្រសួងការបរទេស ប្រាប់ថ្នាក់ក្រោមឲ្យប្រយ័ត្នបំផុតចំពោះជំងឺបិសាចខូវីដ-19 ពីព្រោះសភាពការណ៍ប្រែប្រួលលឿនណាស់នៅកម្ពុជា??
Posted by Carlos Win on Sunday, March 15, 2020