ក្រសួងសុខាភិបាលបញ្ជាក់ថា ពេលនេះក្រុមមន្ត្រីជំនាញកំពុងតែស្វែងរកខ្មែរឥស្លាម ដែលបានធ្វើដំណើរទៅចូលរួមក្នុងពិធីសាសនានៅក្នុងប្រទេសម៉ាឡេស៊ីកាលពីចុងខែកុម្ភៈ ដើម្បីពិនិត្យស្វែងរកមេរោគកូវីដ១៩។អ្នកនាំពាក្យក្រសួងសុខាភិបាលលោក លី សុវណ្ណ ថ្លែងថា ក្រសួងកំពុងតែតាមដាន ហើយមិនទាន់ទទួលព័ត៌មានពីបញ្ហាសុខភាពខ្មែរឥស្លាមដែលទៅចូលកម្មវិធីនៅក្នុងប្រទេសម៉ាឡេស៊ីនៅឡើយទេ
លោក លី សុវណ្ណ៖«យើងខ្ញុំក៏កំពុងតាមដានដែរ គ្រាន់តែរហូតដល់ពេលនេះយើងមិនទាន់រកឃើញក្រុមគាត់ហ្នឹង មានរបាយការណ៍ពីការចេញរោគសញ្ញា ឬ ក៏ ឈឺនៅឡើយទេ។ យើងកំពុងតាមរកបន្តទៀតពីពួកគាត់ហ្នឹង»។លោក លី សុវណ្ណបញ្ជាក់ថា នៅមិនទាន់ដឹងថា ខ្មែរឥស្លាមដែលទៅចូលរួមនៅក្នុងពិធីសាសនានៅម៉ាឡេស៊ីនោះមានប៉ុន្មាននាក់ទេ
ប៉ុន្តែតាមការចុះផ្សាយរបស់សារព័ត៌មានបរទេសនានាបង្ហាញថា ក្នុងពិធីបុណ្យសាសនាឈ្មោះMasjid Sri Petalingនៅក្នុងប្រទេសម៉ាឡេស៊ី មានអ្នកចូលរួម១៥២០នាក់មកពីប្រទេសចំនួន២៧ផ្សេងគ្នាក្នុងនោះអ្នកចូលរួមពីកម្ពុជាមានចំនួន៧៩នាក់។អ្នកចូលរួមទាំងនោះពេលទៅដល់ប្រទេសវិញនោះសិង្ហបុរីរកឃើញ២នាក់ និងប្រុយណេ រកឃើញ១២នាក់ដែលមានផ្ទុកមេរោគកូវីដ១៩
យោងតាមសេចក្តីជូនព័ត៌មានក្រសួងសុខាភិបាលនៅព្រឹកថ្ងៃទី១៧ ខែមីនា ឆ្នាំ២០២០នេះ បានបញ្ជាក់ថា៖ រកឃើញអ្នកឆ្លងជំងឺកូវីត១៩ (COVID-19) ចំនួន១២នាក់ថ្មីទៀត។ អ្នកឆ្លងជំងឺថ្មីទាំង១២នាក់ មាននៅខេត្តបន្ទាយមានជ័យ រាជធានីភ្នំពេញ កំពង់ឆ្នាំង បាត់ដំបង កំពត និងត្បូងឃ្មុំ
បូកទាំងករណីថ្មី១២នេះផង អ្នកកើតជំងឺកូវីត១៩នៅក្នុងប្រទេសកម្ពុជា កើនដល់ ២៤នាក់ហើយ។ អ្នកទាំង២៤នាក់នោះរួមមាន៖ទី១៖ បុរសជនជាតិចិន មកពីទីក្រុងវូហាន (ជាសះស្បើយ)ទី២៖ បុរសជនជាតិខ្មែរ វ័យ៣៨ឆ្នាំ នៅខេត្តសៀមរាបទី៣៖ ស្រ្តីជនជាតិអង់គ្លេស វ័យ៦៥ឆ្នាំ អ្នកដំណើរនាវា Viking Cruise Journey នៅខេត្តកំពង់ចាមទី៤៖ បុរសជនជាតិអង់គ្លេស វ័យ៧៣ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម
ទី៥៖ ស្រីជនជាតិអង់គ្លេស វ័យ៦៩ឆ្នាំ អ្នកដំណើរនាវា Viking Cruise Journey នៅខេត្តកំពង់ចាមទី៦៖ បុរសជនជាតិកាណាដា អាយុ៤៩ឆ្នាំ នៅរាជធានីភ្នំពេញទី៧៖ បុរសជនជាតិប៊ែលហ្សិក អាយុ៣៣ឆ្នាំ នៅរាជធានីភ្នំពេញទី៨៖ បុរសជនជាតិបារាំង អាយុ៣៥ឆ្នាំ នៅរាជធានីភ្នំពេញទី៩៖ ទារកជនជាតិបារាំង អាយុ៤ខែ នៅរាជធានីភ្នំពេញទី១០៖ បុរសជនជាតិខ្មែរ នៅរាជធានីភ្នំពេញ
ទី១១៖ បុរសខ្មែរឥស្លាម នៅខេត្តព្រះវិហារ អាយុ៣៥ឆ្នាំ នៅខេត្តព្រះវិហារទី១២៖ បុរសខ្មែរឥស្លាម អាយុ៣៩ឆ្នាំ នៅខេត្តព្រះវិហារ។
ទី១៣៖ បុរសជនជាតិខ្មែរឥស្លាម នៅក្រុងសេរីសោភ័ណ ខេត្តបន្ទាយមានជ័យទី១៤៖ បុរសជនជាតិខ្មែរ មកពីប្រទេសថៃ នៅភូមិព្រៃឫស្សី ក្រុងសេរីសោភ័ណ ខេត្តបន្ទាយមានជ័យទី១៥, ទី១៦៖ បុរសខ្មែរឥស្លាម ២នាក់ (អាយុ ៦៣ឆ្នាំ និង៦៤ឆ្នាំ) នៅព្រែកប្រា
ទី១៧, ១៨, ១៩, ២០៖ បុរសខ្មែរឥស្លាម (អាយុចន្លោះពី ៣៨ឆ្នាំ ដល់ ៤៥ឆ្នាំ) នៅក្នុងខេត្តបាត់ដំបងទី២១៖ បុរសខ្មែរឥស្លាម អាយុ ៣០ឆ្នាំ នៅក្នុងខេត្តកំពត បច្ចុប្បន្នដាក់ព្យាបាលនៅមន្ទីរពេទ្យខេត្តកែបទី២២៖ បុរសខ្មែរឥស្លាម អាយុ ៦១ឆ្នាំ នៅខេត្តត្បូងឃ្មុំ បច្ចុប្បន្នដាក់ក្នុងមន្ទីរពេទ្យខេត្តនៅពញាក្រែកទី២៣, ២៤៖ បុរសខ្មែរឥស្លាម អាយុ ៧៥ឆ្នាំ និង ២៨ឆ្នាំ នៅខេត្តកំពង់ឆ្នាំ ត្រូវបានដាក់ឱ្យព្យាបាលនៅមន្ទីរពេទ្យខេត្តកំពង់ឆ្នាំ។
