សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា រំភើបរីករាយ ខណៈឃើញកម្មករ កម្មការីនីតាមរោងចក្រ បានធ្វើការ។ ដោយសម្តេចថ្លែងថា៖ ក្មួយៗកម្មករស្តាប់តាមការណែនាំរបស់ក្រសួងសុខាភិបាល និងរាជរដ្ឋាភិបាល ដើម្បីសុវត្ថិភាពសុខភាពផ្ទាល់ខ្លួនឯងផង និងសុវត្ថិភាពសុខភាពសម្រាប់ឪពុកម្តាយ បងប្អូន និងក្រុមគ្រួសារទាំងមូលផង។
សម្តេចតេជោ ហ៊ុន សែន បន្តថា៖ ប្រសិនបើមានអ្វីកើតឡើង គឺរាជរដ្ឋាភិបាលនឹងមើលថែក្មួយៗ ដែលប្រសើរជាងក្មួុយៗស្តាប់តាមការអូសទាញញុះញុងរបស់ជនអគតិមួយចំនួន គឺនៅពេលដែលក្មួយៗឆ្លងរោគបានសម្រេចហើយ គឺពួកគេមិនអាចមកជួយអ្វីដល់រូបក្មួយៗបានឡើយ។សម្តេចសូមអរគុណកូនក្មួយដែលជ្រើសរើសជម្រើសល្អ ហើយស្តាប់តាមការណែនាំនិងអំពាវនាវរបស់រាជរដ្ឋាភិបាលយើង៕
ពេលដែលបានឃើញកូនក្មួយកំពុងបន្តធ្វើការនៅក្នុងរោងចក្រដែលមានអនាម័យ និងសុវត្ថិភាព គឺរាជរដ្ឋាភិបាលសប្បាយចិត្ត ជាពិសេស ឪពុកម្តាយ ក្រុមគ្រួសារ បងប្អូនក្មួយៗសប្បាយចិត្ត ព្រោះបានដឹងថា កូនក្មួយកំពុងធ្វើការនៅក្នុងកន្លែងដែលមានសុវត្ថិភាពបំផុតមួយ ស្របពេលដែលប្រទេសជាតិយើងកំពុងដាក់បម្រាមផ្អាកមិនអោយពលរដ្ឋធ្វើដំណើរឆ្លងកាត់ពីខេត្តមួយទៅខេត្តមួយ ដើម្បីប្រយុទ្ធប្រឆាំងទប់ស្កាត់ការរីករាលដាលជំងឺឆ្លងកូវីដ-១៩ ដ៏កាចសាហាវបំផុតនេះ។អរគុណកូនក្មួយកម្មករទូទាំងប្រទេស ដែលបានចូលរួមទប់ស្កាត់ការឆ្លងរីករាលដាលជំងឺកូវីដ-១៩ នៅក្នុងប្រទេសជាតិយើង៕
Posted by Samdech Hun Sen, Cambodian Prime Minister on Saturday, April 11, 2020