ករណីឆ្លងវីរុសកូវីដ ១៩ នៅឥណ្ឌូនេស៊ី កាន់តែធ្លាក់ក្នុងស្ថានភាពអា ក្រ ក់ ខ្លាំង ដោយសារតែពលរដ្ឋនៅមិ ន ស្តាប់ តាមករណែនាំ និងមិនព្រម សម្ងំ តែក្នុងផ្ទះ ជាលទ្ធផល នេះឲ្យកំណើ នអ្នកស្លា ប់ រាប់បញ្ចូលទាំង មន្ត្រីបម្រើការងារ សុខាភិ បាល កំពុងកើនឡើងខ្លាំង ក្នុងប្រទេសនេះ។ នេះបើតាមការអះ អាងពីសំ ណាក់អគ្គនាយក នៃនាយកដ្ឋាន គ្រប់គ្រង និងប ង្ការជំងឺឆ្លងប្រទេសនេះ លោក Achmad Yurianto។
មន្ត្រីជាន់ខ្ពស់រូបនេះ បន្តទៀតថា ករណីឆ្លងកំពុងកើនឡើងទូទាំងប្រទេស ក៏ដោយសារទាំងសមត្ថភាព និងចំនួនក្នុងការធ្វើតេស្តពីសំណាក់មន្ត្រីសុខាភិបាល កំពុងកើនឡើងដូចគ្នា។
មកទល់គិតមកទល់ថ្ងៃច័ន្ទដើមសប្តាហ៍នេះ ឥណ្ឌូនេស៊ី បានធ្វើតេស្ត សរុបលើ ពលរដ្ឋប្រមាណ ២៥ ០០០នាក់ តាមរយៈ ការធ្វើតេស្តប្រភេទ PCR ដែលត្រូវគេដឹងថា ជាឧបករណ៍តេស្តមានគុណភា ពជា ងឧបករ ណ៍ដែលរដ្ឋាភិបាលធ្លា ប់ប្រើប្រាស់ពីមុន ដោយនាំចូលពីប្រទេសស្វីស ដោយកំពុងត្រូវមន្ទីរពិសោ ធន៍ធំៗ សរុប ៧៨កន្លែងជុំវិញពិភព លោកកំពុងប្រើប្រាស់។
កាលពីថ្ងៃអាទិត្យ ករណីឆ្លងថ្មីក្នុងប្រទេសមានពលរដ្ឋឥស្លាមច្រើនបំផុតលើលោកមួយនេះ រកឃើញ ៣៩៩ករណី និង ៣១៦ករណីថ្មីផ្សេងទៀត រកឃើញនៅថ្ងៃច័ន្ទដើមសប្តាហ៍នេះ នាំឲ្យករណីសរុបកើនឡើងដល់ទៅ ៤ ៥៥៧នាក់ ក្នុងនោះ ៣៩៩នាក់បានស្លា ប់ ប៉ុន្តែតួលេខនេះ ត្រូវគេស ង្ស័ យ ថាមិនពិត ព្រោះត្រឹមរបាការណ៍ស្លាប់ក្នុងរដ្ឋធានីហ្សាកាតា តែឯង គឺមានចំនួនអ្នកស្លា ប់លើសនេះបានទៅហើយ។
ជាមួយកំណើនយ៉ាងគំ ហុ កនៃអ្នកឆ្លងកូវីដ ១៩ នាំឲ្យប្រធានាធិបតីឥណ្ឌូនេស៊ី លោក Joko Widodo ត្រូវរិះគន់លើចំណាត់ការយឺតយ៉ាវរដ្ឋាភិបាលលោក ដើម្បីឆ្លើយតបទៅនឹងការរាតត្បាត ក៏ដូចជាការរឹងរូស មិនព្រមបិទប្រទេសនោះឡើយ។
អ្វីដែលក្រុមអ្នកជំនាញកំពុងព្រួយបារម្ភខ្លាំងនោះ គឺរដ្ឋធានីហ្សាកាតា អាចនឹងក្លាយជាមជ្ឈមមណ្ឌលផ្ទុះការរាតត្បាតវីរុសកូវីដ ១៩ ដូចអ្វីបានកើតឡើងក្នុងរដ្ឋញូវយ៉ករបស់អាមេរិក ខណៈហ្សាកាតា មានពលរដ្ឋសរុបដល់ទៅ ៣០លាននាក់ឯណោះ៕
