ដើម្បីទប់ស្កាត់ការឆ្លងការរីករាលដាលមេរោគ COVID-19 បណ្តាម្ចាស់ផ្ទះជួលនៅរាជធានីភ្នំពេញ និង នៅជាយជុំវិញរាជធានីភ្នំពេញ បានប្រកាស មិនជួលផ្ទះ និងមិនផ្តល់ បន្ទប់ជួល ឬ ត្រូវនៅ ដា ច់ដោ យឡែកពីគេរយៈពេ លជាង ១៤ថ្ងៃ ពេលត្រឡប់វិញ ប្រសិនបើ បណ្តាអ្នកជួល ណា ឬ កម្មករកម្មការិនីណា មិនស្តា ប់ការណែនាំរឹងរូស ទៅលេងស្រុកកំណើត នៅក្នុងអំឡុងថ្ងៃបុណ្យចូលឆ្នាំប្រពៃណីជាតិខ្មែរ រយៈពេល៤ថ្ងៃ ចាប់ពីថ្ងៃទី១៣ ដល់ថ្ងៃទី១៦ ខែមេសានេះ។
បើតាមអ្នកស្រី ម៉ាន ចាន់ធារី ម្ចាស់ផ្ទះជួលនៅក្រុងតាខ្មៅ បានថ្លែងប្រាប់BTV នៅថ្ងៃទី១៤ ខែមេសានេះថា ដោយសារអ្នកស្រីមានការព្រួ យបារម្ភពីសុវត្ថិភាពនឹងការឆ្លងមេរោគ COVID-19 មកលើក្រុមគ្រួសារអ្នកស្រីផង និងមកលើអ្នករស់នៅបន្ទប់ជួលជិតខាងនានា ផងដែរនោះ
នៅមុនថ្ងៃបុណ្យចូលឆ្នាំអ្នកស្រី ម៉ាន ចាន់ធារី បានណែនាំថាបើមានកម្មករ កម្មការិនីអ្នកជួលណាទៅលេងស្រុកកំណើត ពេលត្រឡប់ មកវិញអ្នកស្រីនឹងមិនអនុញ្ញាត អោយអ្នកជួល នោះចូលមកស្នាក់ នៅភ្លាមៗ នោះទេ ពោលគឺ ត្រូវដាក់ខ្លួននៅ ដាច់ដោ យឡែកចំនួន១៤ថ្ងៃ ហើយត្រូវមា នសំបុត្រការបញ្ជាក់ពីគ្រូពេទ្យបន្ថែមទៀត ទើបអ្នកស្រីអនុញ្ញាតអោយចូល ជួលស្នាក់នៅ។
មិនខុសគ្នានោះទេ សម្រាប់ម្ចាស់ផ្ទះជួលផ្សេងៗទៀត បាននិយាយថា បន្ទាប់ពីម្ចាស់ផ្ទះជួលបានណែនាំបណ្តាអ្នកជួល និងកម្មករកម្មការិនីនានា នៅពេលនេះ នៅក្នុងផ្ទះជួលរបស់គេ មិនមានអ្នកជួលណាម្នាក់ ទៅលេងស្រុកកំណើតនោះទេ។
បើតាមលោក កែវ សាវឿន ចៅសង្កាត់ចាក់អង្រែលើ រាជធានីភ្នំពេញ បានថ្លែងថា បច្ចុប្បន្ន នៅក្នុងសង្កាត់របស់លោក មានបន្ទប់ជួលជាង១៥០បន្ទប់ នៅក្នុងនោះបន្ទប់ជួលប្រមាណ៧៥បន្ទប់ មិនមានអ្នកជួលតាំងពីមុនពេលកម្ពុជាផ្ទុះ COVID-19 មកម្ល៉េះ ប៉ុន្តែទោះយ៉ាងណា សម្រាប់បន្ទប់ដែលមានអ្នកជួលស្នាក់នៅ ភាគច្រើនគេមិនបានទៅលេងស្រុកកំណើតធ្វើដំណើរឆ្លងខេត្ត ហើយមានអ្នកជួលប្រមាណ១៤នាក់ ទៅលេងស្រុកកំណើតនៅថ្ងៃបុណ្យចូលឆ្នាំនេះ៕
អត្ថបទ៖ BTV
