ភូមិមួយលើកោះ Java ប្រទេសឥណ្ឌូនេស៊ី បានពង្រាយតួអង្គ ខ្មោច ដើម្បីល្បាតតាមផ្លូវ ក្នុងក្ដីសង្ឃឹមថា អបិយជំនឿតាំងបីបុរាណមកនេះ នឹងជួយឲ្យប្រជាជនក្នុងភូមិរបស់ខ្លួនស្នាក់នៅតែក្នុងផ្ទះ និងមានសុវត្ថិភាពជៀសឆ្ងាយពីវីរុសកូវីដ១៩ ។
បើតាមលោក Anjar Pancaningtyas ប្រធានក្រុមយុវជនក្នុងភូមិ ដែលបានសហការជាមួយប៉ូលិស លើគំនិតផ្ដួចផ្ដើមដ៏ប្លែក ក្នុងការផ្សព្វផ្សាយពីការរក្សាគម្លាត ក្នុងអំឡុងពេលវីរុសកូវីដ១៩រាតត្បាតនេះ បាននិយាយថា«ពួកយើងចង់ធ្វើអ្វីដែលខុសពីគេ ហើយបង្កើតជាការភ័យខ្លាច ដោយសារខ្មោច « Pocong » ដែលមានរូបរាងគួរឲ្យខ្លាចនោះ» ។
ជារូបខ្មោច ដែលរុំខ្លួនដោយក្រណាត់ស មានម្សៅប៉ាតពាសពេញមុខ និងរង្វង់ភ្នែកខ្មៅ ។ ក្នុងរឿងព្រេងនិទានរបស់ប្រទេសឥណ្ឌូនេស៊ី រូបខ្មោចទាំងនេះ តំណាងឲ្យដួងព្រលឹងដែលត្រូវបានឃុំជាប់នឹងរាងកាយសា ក ស ព ។ដើម្បីរក្សាសុវត្ថិភាពប្រជាជន លោកប្រធានាធិបតី Joko Widodo បានទទូចឲ្យមានការបិទប្រទេសទាំងមូល ដើម្បីទប់ស្កាត់ការរាលដាលឆ្លងនៃកូវីដ១៩ ជាជាងការប្រាប់ឲ្យប្រជាជនអនុវត្តការរក្សាគម្លាត និងរក្សាអនាម័យឲ្យបានល្អនោះ ។
ក្នុងនោះដែរ បើតាមលោកមេភូមិ Priyadi បាននិយាយដែរថា « ប្រជាជនក្នុងតំបន់ នៅតែខ្វះការយល់ដឹងពីរបៀបទប់ស្កាត់នៃការរីករាលដាលនៃវីរុស កូវីដ១៩ ។ ពួកគេចង់រស់នៅជីវិតដូចធម្មតា ដូច្នេះ វាពិបាកណាស់សម្រាប់ពួកគេ ឲ្យធ្វើតាមការណែនាំឲ្យនៅតែក្នុងផ្ទះនោះ » ។
ដូច្នេះ វិធានការល្អបំផុត ភូមិ Kepuh នេះ បានសម្រេចចិត្តបង្កើតដំណោះស្រាយដោយខ្លួនឯង តុបតែងជា ខ្មោ ចដើម្បីល្បាតតាមផ្លូវ ជាវិធានការតឹងរឹង ដើម្បីឲ្យប្រជាជននៅតែក្នុងផ្ទះ និងមិន ហ៊ាន ដើរចេញពីភូមិរបស់ខ្លួន ៕
