អាជ្ញាធរសុខាភិបាលក្នុងទីក្រុង Fuyu បាននិយាយកាលពីថ្ងៃអាទិត្យ ទី ២០ ខែកញ្ញាថា អាជ្ញាធរសុខាភិបាល ក្នុងខេត្ត Jilin ភាគឦសានរបស់ប្រទេសចិន បានរកឃើញវីរុសកូរ៉ូណា នៅលើកញ្ចប់ ខ្ចប់សត្វមឹកដែលបាននាំចូល ។ការិយាល័យសុខាភិបាលទីក្រុង Fuyu បាននិយាយនៅ លើគណនី WeChat ផ្លូវការរបស់ខ្លួនកាល ពីថ្ងៃអាទិត្យថា កញ្ចប់ទាំងអស់បានមកដល់ទីក្រុងតាមរយៈ ទីក្រុង Changchun ។
ទន្ទឹមនោះអាជ្ញាធរបានស្នើសុំឲ្យប្រជាជនដែលបានទិញ និងបរិភោគមឹក ដែលនាំចូលនៅ ឯហាងលក់ដុំអាហារ សមុទ្រក្លាស្សេ Sanjia Deda ចាប់ពីថ្ងៃទី ២៤ ដល់ថ្ងៃទី ៣១ ខែសីហា រាយការណ៍ទៅអាជ្ញាធរសង្កាត់ និងស្វែងរកការធ្វើតេស្តរកកូវីដ ។
ការិយាល័យការពារជំងឺកូវីដរបស់ទីក្រុង Changchun បាននិយាយថា មឹកទាំងនេះ ត្រូវបាននាំចូល ពីប្រទេសរុស្ស៊ីដោយក្រុមហ៊ុនមួយនៅទីក្រុង Hunchun ហើយបាននាំយក ទៅខេត្ត Jilin ។
បន្ថែមពីនេះ មន្ត្រីគយចិន បាននិយាយកាល ពីថ្ងៃសុក្រថា ពួកគេនឹងផ្អាកការ នាំចូលពីក្រុមហ៊ុនរយៈ ពេលមួយសប្តាហ៍ប្រសិនបើផលិតផលអាហារ ក្លាស្សេត្រូវបានធ្វើតេស្តវិជ្ជមាន ចំពោះវីរុសកូរ៉ូណា និងរយៈពេល មួយខែ ប្រសិនបើផលិតផល របស់អ្នកផ្គត់ផ្គង់ ធ្វើតេសត្តវិជ្ជមាន ជាលើកទីបី ឬច្រើនជាងនេះ ។
កាលពីខែសីហា អាជ្ញាធរមូលដ្ឋាននៅក្នុង ទីក្រុងចំនួនពីររបស់ ប្រទេសចិនបាននិយាយថា ពួកគេបានរកឃើញ ដានវីរុសនៅលើទំនិញអាហារក្លាស្សេ ដែលបាននាំចូល ប៉ុន្តែអង្គការសុខភាព ពិភពលោក (WHO) បាននិយាយនៅ ពេលនោះថា ខ្លួនមិនបានឃើញភ័ស្តុតាងនៃកា រឆ្លងកូវីដត្រូវបានរា លដាលលើម្ហូបអាហារ ឬ កញ្ចប់អាហារឡើយ ៕
