នៅល្ងាចថ្ងៃទី២៨ ខែកញ្ញា ឆ្នាំ២០២០ នេះ អាងហែលទឹក ស្ដង់ដារអន្ដរជាតិ នៃពហុកីឡ ដ្ឋានជាតិ(ស្ដាតអូឡាំពិក) នឹង សម្ពោធដាក់ឲ្យប្រើប្រាស់ជាផ្លូវការ ក្រោយបញ្ចប់ការ សាងសង់ និងជួសជុល កាលពី ខែមេសាកន្លងទៅ ដោយ ចំណាយថវិកាអស់ប្រមាណជិត ៣លានដុល្លារ។
ពិធីសម្ពោធនឹងធ្វើឡើងក្រោមអធិបតីភា ពសម្ដេចពិជ័យ សេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួង ការពារជាតិ និងជាប្រធានគណៈកម្មាធិការជាតិរៀបចំការ ប្រកួតកីឡាអាស៊ីអាគ្នេយ៍(SEA Games) លើកទី ៣២ ឆ្នាំ២០២៣ ឬហៅកាត់ថា CAMSOC ក៏ដូចជាតំណាង ក្រសួងអប់រំ យុវជន និងកីឡា និងគណៈកម្មាធិការជាតិ អូឡាំពិកកម្ពុជា និងសហព័ន្ធកីឡាជាតិផងដែរ។
សូមជម្រាបថា៖ អាងហែលទឹក ពហុកីឡដ្ឋានជាតិនេះ មានអាង សម្រាប់ហែលទំហំ ២៥ម៉ែត្រ X ៥០ម៉ែត្រ ស្មើនឹង ១០ខ្សែបន្ទាត់ និងអាងលោតទឹក១ ខ្នាត ២០ម៉ែត្រ X ២៥ម៉ែត្រ។ លើសពីនេះ នៅមានការរិយាល័យ ធ្វើការ គ្រឿងបរិក្ខា បច្ចេកទេស កន្លែងស្នាក់នៅ និងហ្វឹកហាត់ សាច់ដុំ ពិសេសបំពាក់ កៅអីជាង ១,៦០០កៅអី ដែលចំណា យសរុ បជិ ត ៣លានដុល្លារ។ នេះបើតាម ការបញ្ជាក់ឱ្យដឹងពី លោកទេសរដ្ឋមន្ដ្រី ស៊ុន ចាន់ថុល ប្រធាន សហព័ន្ធខ្មែរកីឡាហែលទឹក កាលពី កន្លងមក។
ទន្ទឹមជាមួយការសម្ពោធអាង ហែលទឹកស្ដង់ដារអន្ដរជាតិល្ងាចនេះ ក្រោយចប់សម្ដេច ពិជ័យសេនា ទៀ បាញ់ ក៏នឹង មានដំណើរទស្សនកិច្ចពិនិត្យទីលាន និងសកម្មភាព ហ្វឹកហាត់របស់ សហព័ន្ធកីឡាជាតិជាង ២០ប្រភេទកីឡា ដែលមាន មូលដ្ឋានក្នុងពហុកីឡដ្ឋានជាតិ ផងដែរ ដើម្បីវា យតម្លៃ កែលម្អ និងជំរុញការ ត្រៀមខ្លួន ឆ្ពោះទៅស៊ី ហ្គេម ឆ្នាំ២០៣ នៅ ប្រទេសកម្ពុជា។ នេះជាលើកឡើងពីលោក វ៉ាត់ ចំរើន អគ្គលេខាធិការ CAMSOC ៕
