ពិតជាធ្វើឲ្យអ្នកសិល្បៈរួមអាជីពប្រុស-ស្រីល្បីៗជាច្រើនមាន ការភ្ញាក់ផ្អើលគ្រប់គ្នា ស្របពេល ដែលតារា ចម្រៀងប្រុសរបស់ផលិតកម្មសាន់ដេលោក អ៊ីណូ បានប្រកាសចាយ ទុនរហូតជាង កន្លះ លាន ដុល្លារ ដើម្បីបន្ថែមអាជីព ថ្មីផ្ទាល់ខ្លួន ក្រោយពេលវិស័យសិល្បៈកាន់តែមានភាព ជោគ ជ័យ ផងនោះ។អូ
ចំពោះការប្រកាសយ៉ាង ភ្ញាក់ផ្អើលពីសំណាក់តារាចម្រៀងមាឌ ធំដំបង និងថ្គាមខ្លា លោកអ៊ីណូ នេះ បានធ្វើឡើងនា ឱកាសអបអរពិធីខួបកំណើត របស់ខ្លួន និងបើកសម្ពោធឃ្លាំងលក់រថយន្តថ្មីកាលពី យប់ថ្ងៃទី២៧ ខែកញ្ញា ឆ្នាំ២០២០ ដែលមាន ទីតាំងស្ថិតនៅម្តុំផ្សាទំនើបអ៊ីអនពីរ ខណៈដែលវត្តមានអ្នក
សិល្បៈល្បីៗជាច្រើន បាននាំគ្នា បង្ហាញខ្លួនចូលរួម ពិធីអបអរនេះផងដែរ។ បើតាមការបញ្ជាក់ ឲ្យដឹងពីសាមីខ្លួនលោក អ៊ីណូ បានប្រាប់ថា មូលហេតុ ដែលនាំឲ្យលោក សម្រេចធ្វើពិធីខួបកំណើត ស្របពេលនិង ការបើក សម្ពោធឃ្លាំងរថយន្តនេះ ក៏ព្រោះតែចង់ឲ្យមាន ភាពអធិកអធម ដោយលោក បានអញ្ជើញភ្ញៀវអ្នកសិល្បៈចូលរួមប្រមាណ៣០០ នាក់មកចូលរួម។
តារាចម្រៀងលោក អ៊ីណូ បានបន្តថា សម្រាប់អាជីពកម្មថ្មីនេះ គឺលោកប្រើដើមទុន រហូតដល់ជាង កន្លះលានដុល្លារ ហើយនេះ ជាមុខជំនួញ ផ្ទាល់ខ្លួន បន្ទាប់ពីលោក ត្រូវគេដឹងថា មានអាជីព លក់ឡានកន្លងមក។ លោកថា បន្ទាប់ពី ខ្លួនទទួល បានបទពិសោធន៍ច្រើន នៅក្នុងមុខរបរ លក់រថយន្តនិងមានការ ចូលរួមពីក្រុមគ្រួសាររបស់លោក ទើបលោកសម្រេច ចិត្តបើកអាជីវកម្មថ្មីនេះឡើង តែម្តង។
លោក អ៊ីណូ និយាយទៀតថា បើទោះបីជាលោក ជោគជ័យនឹងអាជីវកម្ម លក់ឡានមួយនេះ ក៏ដោយតែ លោកនៅតែ ប្រកាន់ជំហរមិនដកថយ ក្នុងអាជីព សិល្បៈនោះទេ។ ម្យ៉ាងទៀតលោកនឹងដើរ ឲ្យជោគជ័យទន្ទឹមគ្នា ទាំងសិល្បៈ និងមុខជំនួញ។ លោកបន្ថែមថា ខ្ញុំសប្បាយ ចិត្ត ដែលពិធីនេះ មានភ្ញៀវនិង មិត្តភ័ក្ដិសិល្បៈចូលរួមច្រើន បើទោះបីជា មានការរំខាន ដោយដំណក់ទឹកភ្លៀងនៅក្នុងថ្ងៃសំខាន់ របស់លោកផង នោះ៕
