ការដាក់ពាក្យឈប់ពីតួនាទី របស់មន្ត្រីនិមួយៗ កម្រនឹងកើតមាននៅកម្ពុជា លើកលែងតែក្នុងហេតុផល បញ្ហាសុខភាព ភាពចាស់ជរា ពិតប្រាកដ។ ប៉ុន្តែបើលាសុំទាំងបង្ខំចិត្ត នោះជាវប្បដិសារីបំផុតចំពោះថ្នាក់លើ ក្នុងដែនសមត្ថកិច្ចគ្រប់គ្រង ដោយអំពើអយុត្តិធម៍ គាបសង្កត់ ផ្តាច់ការ បក្ខពួកនិយម ឬមិនប្រតិភូកម្មអំណាចឱ្យជាដើម។
សូមបញ្ជាក់ថា៖ ទី១-លោក បាន ហេង សុំលាលែងពីការងារ ជាប្រធានក្រុមប្រឹក្សាឃុំ និងជាមេឃុំ នៃឃុំសណ្តាន់។ទី២-លោក អៀត សុទ្ធា អាយុ ៣០ឆ្នាំ សុំលាឈប់ពីសមាជិកក្រុមប្រឹក្សាឃុំ និងជាជំទប់ទី២ឃុំ នៃឃុំសណ្តាន់។ និងទី៣-លាឈប់ពីក្រុមប្រឹក្សាឃុំ និងជំទប់ទី១ឃុំ នៃឃុំសណ្តាន់។
ប្រភពខ្លះបានបង្ហើបថា៖ មេឃុំ និងសមាជិកក្រុមប្រឹក្សាឃុំសណ្តាន់ ស្រុកសណ្តាន់ ខេត្តកំពង់ធំសរុប ៣នាក់ បានដាក់ពាក្យឈប់ពីតួនាទី! នៅក្នុងលិខិតរបស់ពួកគាត់ទាំង៣នាក់ បង្ហាញពីហេតុផលមានជំងឺ និងត្រូវផ្លាស់ទីលំនៅ ប៉ុន្តែប្រភពផ្សេងទៀតបានលួចបង្ហេីបថា មកពីពួកគាត់មិនពេញចិត្តនឹងការដឹកនាំរបស់អភិបាលស្រុកសណ្តាន់ គឺលោក ឡង គីសឹង ដែលពីមុនជាអតីតនាយក រដ្ឋបាលសាលាខេត្ត ។ នេះជាចំណុចដែលថ្នាក់លើ ពិចារណារកនូវហេតុ និងផល អោយបានពិតប្រាកដ ចៀសវាងភាពអយុត្តិធម៍សង្គមកើតមាននៅក្នុងអង្គភាពនេះ.!
ពាក់ព័ន្ធករណីនេះ អង្គភាព «នគរដ្រេហ្គន»មិនអាចទាក់ ទងបា នទេពីលោក ឡង គីសឹង អភិបាលនៃ គណៈអភិបាលស្រុកសណ្តាន់ នៅព្រឹកថ្ងៃទី២៨ ខែកញ្ញា ឆ្នាំ២០២០ ខណៈគ្មានលេខទួរស័ព្ទ ។ ដោយឡែក លោក សុខ លូ អភិបាល នៃគណៈ អភិបាលខេត្តកំពង់ធំ បានមានប្រសាសន៍ថា៖ ករណីនេះមិនពិតទេ ហើយរឿងកើតយូរមក ហើយ ក្នុងនោះក៏មាន ការពន្យល់បកស្រាយពីខាងសមាគម ខណៈពួកគាត់មានបញ្ហាជា មួយក្រុមគ្រួសារ ។ លោកបន្តថា៖ បន្ទាប់ពីយល់ ហេតុផល ពួកគាត់ ២នាក់បានចូលបម្រើការងារធម្មតាដ ល់បច្ចុប្បន្ន។ ដោយឡែកម្នាក់ទេ ដែលគាត់ផ្លាស់ ប្តូរលំនៅដ្ឋាន ក៏ប្តូរការងារ ទៅធ្វើការនៅក្រសួងមហាផ្ទៃ ។
លោកអភិបាលខេត្ត បានបញ្ជាក់ថា៖ ចំពោះការថ្នាំង ថ្នាក់ ឬមានបញ្ហាអីក្នុងអង្គភាព គឺគ្មានទេ គ្រាន់តែដើមឡើយកើតចេញពីជម្លោះ បញ្ហាផ្ទៃក្នុងគ្រួសារគាត់។ រឿងនេះលោកបានយក ចិត្តទុកដាក់ ព្រមទាំងមាន ការស្រាវជ្រាវរក ហេតុផលពិតផងដែរ គឺកើតចេញពី ជម្លោះផ្ទៃក្នុងគ្រួសារប៉ុណ្ណោះ៕
