ជឿជាក់ថា បងប្អូនប្រិយមិត្តជា ច្រើននៅក្នុងបណ្តាញសង្គម បានស្គាល់ហើយលោ កតាស៊ុច ដែលពលរដ្ឋខ្មែរនិង ពលរដ្ឋថៃ ស្គាល់លោកតា តាមរយៈថ្វីមាត់ ទេសនាដ៏ប៉ិនប្រសប់ប្រកបដោយ ពាក្យកំប្លុក កំប្លែង ដែលតែងធ្វើឲ្យយាយៗ តាៗសើច ហៀរទឹកភ្នែកមិនដឹងខ្លួន។
យ៉ាងណាមិញ កាលពីប៉ុន្មានខែកន្លង ទៅនេះ ចៅអធិការវត្តនៅខេត្តសុរិន្ទប្រទេសថៃ អង្គនេះ ក៏បានធ្វើឲ្យមហាជន មានការកោតសរសើរយ៉ាង ខ្លាំង ចំពោះទឹកចិត្តដ៏ប្រពៃ ថ្លៃថ្លារបស់ព្រះអង្គ ដោយ ព្រោះតែក្តីអាណិតអាសូរ បានប្រកាស តាមរយៈបណ្តាញសង្គម ហ្វេសប៊ុក ផ្តល់ទីកន្លែងស្នាក់នៅក្នុងវត្ត និងសូម្បីធានា បា យទឹក ទៅដល់ពលករខ្មែរ ប្រមាណជា ៣០០នាក់ ដែលបានជាប់គាំង ខណៈថៃបានបិទព្រំដែនដោយសារ ហេតុផលជំងឺកូវីដ១៩ ដែលកំពុងវា យលុកជា សាកល នៅពេលនោះ។
ដោយឡែក ថ្មីៗនេះ លោកតាស៊ុច ក៏បានចេញវីដេអូទូន្មានដ៏គួរឲ្យ ចាប់អារម្មណ៍ជាថ្មីម្តងទៀត ដោយព្រះអង្គបាន សំណូមពរឲ្យកូនចៅខ្មែរដែលជាពលករ ប្រសិនបើអាចផ្អាក ចូលទឹកដីថៃសិនទៅ កុំចាញ់បោកមេខ្យល់អស់លុយ កាក់ដោយអ្នកខ្លះអស់ ១០០ ដុល្លារ និងខ្លះទៀតក៏ អស់ជាង ១០០ ដុល្លារ ហើយទីបំផុត ចូលមក ត្រូវអាជ្ញាធរថៃ ចាប់ខ្លួនដាក់ គុកទៀត។ ព្រះអង្គបានលើកឡើងបែបនេះ គឺដោយសារ ព្រះអង្គបានដឹងច្បាស់ថា ពេលនេះ ថៃគេមិនទាន់បើកព្រំដែនឲ្យចូលប្រទេសស្របច្បាប់នោះទេ។
តាមរយៈការសំណូមពរ ពីចម្ងាយនេះផងដែរ លោកតាស៊ុច ក៏បានមានសង្ឃដីកា លើកឡើងនូវហេតុផលមួយចំនួនថា៖ «វាមិនអត់ងាប់ទេ ប្រទេសខ្មែរមាន ក ង្កែប ក្តាម គ្រាន់រកស៊ី ប្រទេសថៃ មិនមែនទេ កង្កែប ក្តាម ទេឥឡូវនេះ នោះ គេបា ញ់គីមី ងា ប់អស់ហើយ ដើមម្អមក៏មិនមែន ម្លក់ចង្វារទូក ក៏មិនមែន ម្លក់ធុងត្រីមិនមែន ម្លក់បាត់ប្តីក៏អស់ នៅតែត្រកូនទេសព្វថ្ងៃនោះ»។
ព្រះអង្គក៏បានបញ្ចាក់ និងសួរទៅពលរដ្ឋខ្មែរ យ៉ាងដូចឆោតថា «នៅថៃកូនកង្កែប កូនក្អាត់ ងា ប់អស់ហើយញោម គេបា ញ់គីមីងាប់អស់ហើយ ខ្មែរមិនទាន់មានគីមី ច្រើនដូចថៃទេ នៅតែរកស៊ីបានតើ ចុះកាលពីថៃ មិនទាន់បើកឲ្យចូល ហេតុអីយើងនៅអាចរកស៊ីបាន? ដល់ពេលផ្ទុះកូវីដ១៩ តាំងធ្វើឯង ណាសម្រុកចូលមក ដោយម្នាក់ៗចង់ណាស់ មកថៃ។
ហេតុនេះ ព្រះអង្គក៏សូមអង្វរក កូនចៅខ្មែរជាពលករ សូមនៅស្រុកស្រែយើង នៅឲ្យសុខសប្បាយ សិនទៅ កុំមកឲ្យគេ ចាប់ខ្លួន ហើយត្រូវខាតបង់ លុយម្នាក់១០០, ១៣០ ឬ ១៥០ ដុល្លារ ឥតប្រយោជន៍ទៀត។
គួរបញ្ជាក់ផង ដែរថា កន្លងទៅនេះ មានពលករខ្មែរជាច្រើននាក់ ត្រូវបានអាជ្ញាធរថៃ ចាប់ខ្លួនជារឿយៗ ខណៈព្យាយាម លួចចូលទឹកដីថៃតាម តំបន់ព្រៃ ឬ ច្រករបៀង តាមរយៈមេខ្យល់ ដែលយករួចតែខ្លួន និងលុយដែលធានាថា អាចរកការងារឲ្យធ្វើបាននៅថៃ៕
