ស្ត្រីម្នាក់នេះ មានវាសនា អភ័ព្វខុសគេ មានប្តីដល់ទៅ ២ដង តែមិនសមបំណង ម្តងណាសោះ ក្នុងនោះ ប្តីទី១ កំពូលប្រចណ្ឌ រករឿងវា យដំរាល់ ថ្ងៃ រហូតដល់ទ្រាំលែង បាន ក៏ចែកផ្លូវគ្នា ដើរ លុះបានប្តី ទី២ នឹកស្រមៃថា នឹងរួចផុត ចាកទុក្ខ រស់នៅក្នុងសុភ មង្គល ដឹងអី ប៉ះ ប្តីត្រចៀកស គ្រាន់តែ ចាប់ផ្តើមមាន ផ្ទៃពោះ បាន ៤ខែ ស្រាប់តែប្តី ជឿសម្តីម៉ែ និង សាច់ញាតិចាក់រុក ក៏ទា ម ទារលែង លះ ទុកឱ្យនាង ស្ពាយ ពោះ សុំផ្ទះគេ ស្នាក់នៅ ទន្ទឹងចាំថ្ងៃ សម្រាលកូន និងប្រកាស ឱ្យកូននេះ ទៅអ្នកដែល ចង់បានយក ទៅចិញ្ចឹម។
ស្ត្រីអភ័ព្វដែល ត្រូវប្តីទី២លែងលះ អត់មានលទ្ធភាព ចិញ្ចឹមកូន ក៏ប្រកាសឱ្យកូនទៅគេ មានឈ្មោះ ខឹម សុខគា អាយុ ៣០ឆ្នាំ សព្វថ្ងៃស្នាក់ នៅភូមិត្រពាំងភ្លូ ឃុំអូរសារាយ ស្រុកត្រាំកក់ និងមានស្រុកកំណើត នៅភូមិត្រពាំងគាត ឃុំពោធិ៍ អង្គ្រង ស្រុកបសេដ្ឋ។
នាងខឹម សុខគា បានរៀបរាប់ ពីដំណើរជីវិតប្រាប់ថា នាងគឺជាកូនបន្ទាប់ពៅ ក្នុងចំណោមបងប្អូន ៨នាក់ (ប្រុស៥ ស្រី៣) មានម្តាយឈ្មោះ ប៉ែ សុខុម អាយុ៦៦ឆ្នាំ ឪពុកស្លា ប់។ កាលពីក្មេងដោយសារតែ ស្ថានភាពជីវភាពគ្រួសារ របស់នាង ទីទ័លក្រខ្លាំងពេក ទើបនាងមាន ឱកាសរៀនសូត្រ បានត្រឹមតែថ្នាក់ ទី៣ប៉ុណ្ណោះ ក៏ឈប់រៀនវិញ ពោលគឺរៀនមិន ទាំង ចប់បឋមសិក្សាផង។
កាលពីពេញវ័យក្រមុំ មានប្រុសកំលោះ ចោម សុំស្នេហ៍នាងរាប់មិ នអស់ដែរ តែនាងមិនហ៊ានប្រថុយទេ ដោយ សម្រេចលើម្តាយទុកឪពុកដាក់ រហូតដល់ក្រោយមក ខណៈដែលនាង ទើបនឹងមាន វ័យ១៧ឆ្នាំ ក៏មានបុរសម្នាក់ ឈ្មោះអោ ឌុល អាយុបងនាង៦ឆ្នាំ បានចូលមក ស្តីដណ្តឹងនាងដល់ ម៉ែឪ ទើបឪពុកម្តាយនាង សម្រេចយល់ព្រមលើកនាងឱ្យរៀបការជាមួយគ្នា ត្រឹមត្រូវតាមច្បាប់ប្រពៃណី។
នាងខឹម សុខគា បន្តរៀបរាប់ថា ក្រោយពីចាប់ដៃ គ្នាជាប្តីប្រពន្ធរួច នាងនៅធ្វើការងារផ្ទះ ចំណែកប្តី ចេញទៅបើក ឡានដឹកគ្រឿងសំណង់ ឱ្យគេនៅផ្សារ ថ្នល់បត់ និងរួមរស់រហូតបង្កើតបានកូន ចំនួន ៣នាក់ (ប្រុស១ ស្រី២) ជាចំណងនិស្ស័យ។ នៅអំឡុងពេលរួមរស់នឹងគ្នា អស់រយៈពេល ១០ឆ្នាំមក ជីវិតនាងរស់នៅជួបទុក្ខច្រើន ជាងសុខ ទឹកភ្នែកច្រើនជាង ស្នាមញញឹម ដោយសារតែប្តី គឺជាមនុស្សកំពូល ប្រចណ្ឌ រករឿងប្រចែ ប្រចណ្ឌ ប្រពន្ធរកលេខ ដាក់គ្មាន ហើយប៉ុន្មាន ឆ្នាំចុងក្រោយ ប្តីនេះចេះដើរផឹកស្រា រករឿងឈ្លោះ ប្រកែក និងប្រើហិ.ង្សាវា.យដំនាងជាប្រពន្ធមិនស្វាង រហូតដល់នាងទ្រាំរួមរស់ ជាមួយប្តីទៀតលែងបាន ក៏សម្រេចលែង លះចែកផ្លូវគ្នា ដើរវិញទៅ។
នាងខឹម សុខគា បានឱ្យដឹងថា ក្រោយពីលែងលះប្តីមិនបានប៉ុន្មាន នាងក៏បានស្គាល់ កំលោះម្នាក់តាមទូរស័ព្ទ ដោយ កំលោះនោះ មានឈ្មោះសើ ណែត អាយុប្អូននាង៤ឆ្នាំ មានស្រុកកំណើតនៅភូមិត្រពាំងភ្លូ ឃុំអូរសារាយ ស្រុកត្រាំកក់ ខេត្តតាកែវ។ លុះត្រូវកំលោះឈ្មោះណែត ប្រើពាក្យផ្អែមល្ហែម លួងលោមសុំស្នេហ៍តាម ទូរស័ព្ទយូរៗទៅ នាងក៏ធ្លាក់ក្នុង អន្លង់ស្នេហ៍របស់គេ រហូតដល់ដាច់ចិត្តកាត់ កេរ្តិ៍កាត់ខ្មាស ឡើងទៅរួមរស់ ជាមួយប្រុស ដោយមិនបានសែនព្រេន ឬរៀបការ អ្វីទាំងអស់ ពោល គឺរួមរស់នឹងគ្នាដោយគ្មាន ខាន់ស្លាតែម្តង ដោយរំពឹងថា អនាគតរបស់នាង នឹងបានភ្លឺស្វាងឡើងវិញ នៅពេលទទួ លបានប្តីក្មេងសម្តីផ្អែមបែបនេះ។
នាងសុខគា បានឱ្យដឹងទៀតថា ដឹងអី ប៉ះចំប្តីក្មេង ត្រចៀកស ជឿតាមតែសម្តីម្តាយ និងសាច់ញាតិ របស់ខ្លួន រករឿងនាងមិនឈប់ ហើយក្រោយពីរួមរស់នឹងប្តីក្មេងបាន ៧ខែ នាងក៏មានផ្ទៃញ្ទោះ ៤ខែ ស្រាប់តែប្តីនេះ មិនដឹងជឿ តាមសម្តីម៉ែ ឬបងប្អូនខ្លួនយ៉ាងម៉េចមិនដឹង ក៏ទាមទារ ចែកផ្លូវជាមួយគ្នា ដោយប្រាប់ថា រស់នៅមិនចុះសម្រុង ណាមួយគេហាក់អស់និស្ស័យជាមួយនាងហើយ
ធ្វើឱ្យនាងរកពាក្យអ្វីមកស្តីតបមិនបានឡើយ ហើយទោះចង់ប្តឹងក៏មិនកើត ព្រោះពួកនាងគ្មាន ខាន់ស្លាទេ។ បន្ទាប់ពីចែកផ្លូវជាមួយប្តីទី២នេះទៅ នាងមិនហ៊ាន ត្រឡប់ទៅផ្ទះវិញទេ ព្រោះខ្មាសគេ ខណៈដែលនាងមានផ្ទៃពោះ អត់ប្តី ហេតុនេះ នាងសុខចិត្តដើរសុំផ្ទះអ្នកភូមិស្នាក់ នៅបណ្តោះអាសន្ន ទម្រាំកូនក្នុងផ្ទៃកើតមក ទើបនាងត្រឡប់ ទៅស្រុកកំណើតវិញ ហើយពេលកូនក្នុងផ្ទៃកើតមកនេះ នាងសម្រេចថា នឹងផ្តល់ទៅឱ្យអ្នកដែលចង់ បានកូនយកទៅចិញ្ចឹម ព្រោះនាងគ្មាន លទ្ធភាពចិញ្ចឹមកូនទេ ហើយបើបងប្អូនណា ចង់បានកូនក្នុងផ្ទៃរបស់នាង ដែលពេលនេះ មានអាយុ ៤ខែហើយ សូមទំនាក់ទំនង មកនាង តាមរយៈទូរស័ព្ទលេខ ០៩៧ ២៨៨ ០៨៣៥។
លោកសើ ណែត អាយុ២៦ឆ្នាំ ត្រូវជាប្តីទី២ របស់នាងខឹម សុខគា បានឱ្យដឹងថា រវាងគាត់ និងនាងសុខគា ពិតជាប្តីប្រពន្ធនឹងគ្នាមែន តែមិនមានខាន់ ស្លាអ្វីនោះទេ ហើយពេលនេះនាងកំពុងមានផ្ទៃពោះ ៤ខែ បន្ទាប់ពីរួមរស់ នឹងគ្នាបាន ៧ខែ។ សព្វថ្ងៃនេះ ដោយសារតែពួកគេទាំង ២នាក់ រួមរស់មិនចុះសម្រុង នឹងគ្នា ទើបសម្រេច បែក ចែកផ្លូវគ្នាទៅ។
លោកសើ ណែត បន្តថា ចំណែករឿងកូនក្នុងផ្ទៃនោះ ដំបូងឡើយ នាងសុខគា ថាចង់យកចេញ តែពេទ្យទារដល់ទៅ ៥០០ដុល្លារ ទើបគ្មាន លុយយកចេញ ក៏សម្រេចទុក បែបនេះទៅ ហើយចាំពេលសម្រាលរួច នឹងប្រគល់ ឱ្យគេ តែសុំជាថ្នូរនឹងប្រាក់ចំនួន ១៥០០ដុល្លារ។ ចំណែកគាត់ក៏ មិនថាអ្វីដែរ គឺសម្រេចលើនាង ទៅចុះ ព្រោះពួកគេបានបែ កផ្លូវគ្នា ទៅហើយ៕
