បើតាមសេចក្តីរាយការណ៍បឋម បានឱ្យដឹងថា ប្តីប្រពន្ធ១គូរស់នៅ មិនចុះសម្រុងគ្នាក៏បានលែងលះគ្នា ហើយប្តីទៅ មានស្រីថ្មី ចំណែកប្រពន្ធតាម រករឿងដោយ ចោទប្រកាន់ថា លែងលះគ្នា មិនទាន់ដាច់ស្រេចផង បែរជាលួច ទៅមានស្រីថ្មី ប ង្កឲ្យមានការភ្ញាក់ផ្អើលកាល ពីម៉ោង ៧និង៣០នាទីយប់ ថ្ងៃទី១៨ ខែកុម្ភៈ ឆ្នាំ២០២០ នៅចំណុចផ្ទះជួល ស្ថិតក្នុងភូមិជង្រុក សង្កាត់ ត្រពាំងក្រសាំង ខណ្ឌពោធិ៍សែនជ័យ។
សេចក្តីរាយការណ៍បន្តថា បុរសជាប្តីឈ្មោះ សុវណ្ណ អាយុ៣៧ឆ្នាំ មុខរបររកស៊ីជំនួញ ស្នាក់នៅខណ្ឌសែនសុខ ចំណែកស្ត្រីជាប្រពន្ធឈ្មោះឆាយហ៊ាង អាយុ ៣៨ឆ្នាំ មុខរបររកស៊ី រស់នៅ ខណ្ឌសែនសុខ ។
ប្រភពនៅកន្លែងកើតហេតុបានឲ្យដឹងថា មុនកើតហេតុ បុរសជាប្តីបាន មករស់នៅជាមួយប្រពន្ធក្រោយនៅផ្ទះជួលកន្លែងកើតហេតុខាងលើ ស្រាប់តែស្ត្រីជាប្រពន្ធដើម បានមករក រឿងបុរសជាប្តី បង្កឲ្យមានការ ឈ្លោះប្រកែកគ្នាផ្អើល សមត្ថកិច្ចតែម្តង ។ ដោយបុរសជា ប្តីអះអាងថា គាត់បានលែងលះ ប្រពន្ធដើម ដោយមានលិខិតស្នាម ត្រឹមត្រូវ ចំណែកស្ត្រីជាប្រពន្ធដើមបានចោទថា ការលែងលះនោះ មិនទាន់ដាច់ស្រេចផង បែរជា ទៅលួចមានស្រីថ្មីមានផ្ទៃពោះរហូតដល់ទៅ៧ខែហើយ ។
តាមប្រភពពីស្ត្រីជាប្រពន្ធដើម បានឱ្យដឹងថា ប្តីប្រពន្ធរបស់គាត់ទាំងពីរនាក់ បានរៀបការមានកូន ចំនួន៣នាក់ ក្នុងនោះស្រី២ និងប្រុសម្នាក់ ។ កាលពីដំបូងឡើយ នៅគ្រាក្ររស់នៅ ជាមួយបងថ្លៃរកស៊ីតាំងពីបាតដៃទទេ រហូតមកដល់បច្ចុប្បន្នមានផ្ទះ និងមាន រថយន្តសម្រាប់រកស៊ី មានជីវភាពធូរធា សមរម្យហើយ ។
ស្ត្រីជាប្រពន្ធដើម បន្តទៀតថា បែរជាមានស្រីថ្មីរាប់ភ្លេច សូម្បីតែនារីដែលជា ស្រីលួចលាក់ខាងលើ គឺជាមនុស្សធ្លាប់រស់នៅជាមួយគាត់ ជាអ្នកជួយ មើលកូន ហើយគាត់ធ្លាប់ តាមទាន់ប្តីនាំនាងឡើងផ្ទះ សំណាក់ ទើបរូបគាត់ ឲ្យនាងឈប់ នៅជាមួយ តែប្តីរបស់គាត់នៅ តែលួចទាក់ទងនាង មកដល់បច្ចុប្បន្ន រហូតដល់នាងខាងលើនេះ មានផ្ទៃពោះ ៧ខែហើយ ។
ប្រភពដដែលបន្តទៀតថា ដោយឡែកប្តីរបស់គាត់តាំង ពីទាក់ទងស្រីខាងលើប ង្កឲ្យមានជ ម្លោះឈ្លោះប្រកែក គ្នាក្នុងគ្រួសារ និងប្រើហិ.ង្សា.វា.យ.គាត់ជាច្រើនដង មកហើយ ព្រមទាំងបំផ្លិច បំផ្លាញទ្រព្យសម្បត្តិនៅក្នុងផ្ទះ ដូចជាបើក រថយន្តបំបុកផ្ទះជាដើម ។ ដោយសារតែការរស់នៅមិនចុះសម្រុងគ្នា ទើបគាត់ដាច់ចិត្តប្តឹងលែងលះគ្នាបានជាង១ខែមកហើយ ដោយស្ម័គ្រចិត្តរៀងខ្លួន តែការលែងលះមិនទាន់ដាច់ស្រេចទេ ព្រោះការបែងចែកទ្រព្យសម្បត្តិរួចហើយ នៅសល់ប្រាក់អាហារកិច្ចចិញ្ចឹមកូនចំនួន២ម៉ឺនដុល្លារទៀត ដែលប្តីមិនទាន់ឲ្យគ្រប់ចំនួនផង ក៏លួចទៅរស់នៅជាមួយស្រីថ្មី ។
ចំណែកបុរសជាប្តីបាននិយាយ ប្រាប់ថា គាត់លែងលះជាមួយប្រពន្ធដើម ដាច់ហើយ ព្រោះគាត់មិនបាន ចុះសំបុត្រអាពាហ៍ ពិពាហ៍នោះទេ គឺបានលែងលះគ្នា នៅសង្កាត់ដោយមានមេធាវី និងប្រធានកិច្ចការនារី ក្រុងចូលរួមផងដែរ និងមានសំបុត្រលែងលះត្រឹមត្រូវ នៅរង់ចាំតែថ្ងៃតុលាការកោះ ហៅតែប៉ុណ្ណោះ ទើបគាត់មករស់ នៅជាមួយប្រពន្ធថ្មី តែប្រពន្ធរបស់គាត់ បែរជាមកធ្វើរឿងបែបនេះ ។
ក្រោយពេលប ង្កឲ្យមានការភ្ញាក់ផ្អើលរវាង ប្តីប្រពន្ធខាងលើ សមត្ថកិច្ចនគរបាលប៉ុស្តិ៍ត្រពាំងក្រសាំង បាននាំភាគីទាំងសងខាងទៅសួរនាំ តែដោយឃើញមានឯកសារគ្រប់គ្រាន់ សមត្ថកិច្ចនគរបាលប៉ុស្តិ៍ក៏បានឲ្យពួកគាត់ទៅផ្ទះរៀងៗខ្លួន ៕
