តាមប្រភព ព័ត៌មាន Oddity Central ស្ត្រីជនជាតិឥណ្ឌា អាយុ ២០ឆ្នាំម្នាក់ បានដាក់ពាក្យ សុំលែងលះពីប្តី នៅសប្តាហ៍នេះដោយអះអាងថា ប្តីស្អុយខ្លួន ខ្លាំងពេក ដល់ថ្នាក់ទ្រាំមិន បានស្ទើរតែដាច់ ខ្យល់ដង្ហើម ព្រោះតែ ១០ថ្ងៃបាន ងូតទឹកម្តង។
Soni Devi ជាស្ត្រីម្នាក់មកពីស្រុក វីសាហាលីបានដាក់ពាក្យ សុំលែងលះពីប្តីដោយផ្អែកលើហេតុផលថា ប្តីគាត់មិន បានរក្សាអនាម័យ ត្រឹមត្រូវនិងមិនមានសុជីវធម៌។ នាងបានប្រកែកថា ការរៀបការជាមួយប្តីរបស់នាង ដែលជាជាង ឈើអាយុ ២៣ឆ្នាំ បានធ្វើឱ្យនាងអាម៉ាស់ មុខ និងបានបំ ផ្លាញ ជីវិ តរបស់នាង។ នៅក្នុងពាក្យសុំលែងលះផ្លូវការរបស់នាងស្ត្រីអាយុ ២០ឆ្នាំរូបនេះបានសរសេរថា ប្តីរបស់នាងស្ទើរតែមិនដែល ងូតទឹកឬដុសធ្មេញ ហើយមិនគោរព តាមវិន័យសង្គមណា មួយឡើយ។ នាងស្នើឱ្យតុលាការឱ្យ នាងលែងប្តីបាន។
នាងបាននិយាយថា៖ “ប្តីរបស់ខ្ញុំមានក្លិនស្អុយ នៅពេលគាត់មិនងូត ទឹកជិត១០ថ្ងៃ ។ លើសពីនេះទៅទៀត គាត់មិនដុសធ្មេញទេ។ គាត់ក៏មិនមាន សុជីវធម៌ និងធ្វើតាមទម្លា ប់ដែរ ។ ខ្ញុំមិនចង់រស់នៅជាមួយ ប្តីខ្ញុំទៀតទេ។ ខ្ញុំមិនអាចទ្រាំនឹង ភាពអាម៉ាស់ទៀតទេ។ សូមឱ្យខ្ញុំចេញផុត ពីបុរសម្នាក់នោះ ព្រោះគាត់កំពុង តែបំផ្លាញជីវិតរបស់ខ្ញុំហើយ។ យើងគ្មាន កូនទេសូម្បីតែទំនាក់ទំនង របស់យើងជាប្តីប្រពន្ធក៏មិនមានភាព រាក់ទាក់ដែរ។ ជីវិតគ្មានន័យទេ។ វាគ្មានតម្លៃអ្វីឡើយ» ។
ប្តីរបស់ស្ត្រីខាងលើ ឈ្មោះ Manish Ram បានប្រាប់កាសែត Times of India ថា គាត់ចង់បន្តរស់នៅ ជាមួយប្រពន្ធរបស់គាត់ ហើយគាត់នឹង ព្យាយាមឱ្យអស់ ពីសមត្ថភាពដើម្បីធ្វើឱ្យរបៀប រស់នៅរបស់គាត់ ប្រសើរឡើង មិនដូចពេ លនេះ និងពេលកន្លងមក ៕
