នៅរសៀលថ្ងៃទី ១៣ខែវិច្ឆិកា ឆ្នាំ២០២០នេះ ស្ត្រីម្នាក់ដែលតាម ទាន់ប្តីកំពុង រៀបការស្រីថ្មី ហើយមានការ ឈ្លោះប្រកែក គ្នាបែ កផ្សែងនោះ ត្រូវប្រពន្ធចុង និងប្តីរួមគ្នា ប្តឹងតុលាកាឱ្យកម្លាំង កងរាជអាវុធហត្ថខេត្តកណ្តាល ចាប់ខ្លួននោះ បានត្រូវ លោកជួន វណ្ណៈ ចៅក្រមស៊ើបសួរ សាលាដំបូង ខេត្តកណ្តាល សម្រេចមិន ឃុំខ្លួន និងបាន ដោះលែងឲ្យមាន សេរីភាពវិញ នៅរសៀលថ្ងៃទី១៣ ខែវិច្ឆិកា ឆ្នាំ២០២០ ។
ស្រីរ ង គ្រោះ ឈ្មោះហុក ស្រីណុច អាយុ២៦ឆ្នាំ កូនប្រុសម្នាក់ អាយុ៥ឆ្នាំ មានទីលំនៅភូមិទួលក្តី ឃុំត្រើយស្លា ស្រុកស្អាង កម្លាំងកងរាជអាវុធ ហត្ថខេត្តកណ្តាល ឃាត់ខ្លួន កាលពីព្រឹកថ្ងៃទី១៣ ខែវិច្ឆិកា នៅចំណុចស្តង់លក់ ត្រីមួយកន្លែង ស្ថិតក្នុងភូមិរកាខ្ពស់ សង្កាត់ រកាខ្ពស់ ក្រុងតាខ្មៅ។
ចំណែក ប្រពន្ធចុង និងប្តីរួមគ្នា ប្តឹង ប្រពន្ធខ្លួនឯង ដាក់គុក នោះ ឈ្មោះ ទេស ស្រីនាង ភេទស្រីអាយុ ៣៥ឆ្នាំ និងប្ដីឈ្មោះលី ច្រាយ អាយុ២៩ឆ្នាំ រស់នៅភូមិទួលក្រសាំង សង្កាត់ រកាខ្ពស់ ក្រុងតាខ្មៅ ។កាលពីថ្ងៃទី០៦ ខែកុម្ភៈ ឆ្នាំ២០២០ ស្ត្រីរ ង គ្រោះ បានតាមទាន់ ប្តីកំពុង រៀបការស្រីថ្មី ក៏មានការ ឈ្លោះ ប្រកែកគ្នា បង្កឱ្យមាន ការភ្ញាក់ផ្អើលពេញភូមិ។
លុះក្រោយ មក ប្រពន្ធចុង និងប្តីរួមគ្នា ប្តឹង ស្រីរ ង គ្រោះទៅ តុលាការ ហើយត្រូវកម្លាំងកង រាជអាវុធហត្ថខេត្តកណ្តាល ឃាត់ខ្លួនតាមដីកា តុលាការចោទប្រកាន់ បទ.រំ.លោ.ភលើលំនៅឋាន និងបរិហាកេរ្ត៍ជាសាធារណៈ ប្រព្រឹត្តនៅ ភូមិទួលក្រសាំង សង្កាត់រកាខ្ពស់ ក្រុងតាខ្មៅ កាលពីព្រឹកថ្ងៃទី១៣ ខែវិច្ឆិកា ។ លុះដល់រសៀលថ្ងៃទី១៣ ខែវិច្ឆិកា ដដែលនោះ លោកជួន វណ្ណៈ ចៅក្រមស៊ើបសួរ សាលាដំបូងខេត្តកណ្តាល សម្រេចមិន ឃុំខ្លួន និងបានដោះលែងឲ្យមាន សេរីភាពវិញ ៕
