ស្រ្តីម្នាក់ បានពរកូនស្រី អាយុ១ខួប៨ខែ តាមរកប្ដីដើរ ចោលផ្ទះ ៣ថ្ងៃ ស្រាប់តែតាម ទាន់ប្តី កំពុងតែដឹក ស្រីស្នេហ៍កៀក កើយ ដើរលេង នៅកោះពេជ្រ ក៏បានស្រែក ឆោឡោ ឡើងផ្អើល សន្តិសុខ ជួយឃាត់ យកទៅសួរនាំ ប ង្កឲ្យមាន ការភ្ញាក់ផ្អើល នៅបរិវេណកោះពេជ្រ ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន ។
ស្រ្តីជាប្រពន្ធដើម មានឈ្មោះ ហ៊ៅ សេរីរ័ត្ន អាយុ២២ឆ្នាំ មុខរបរនៅផ្ទះ ស្នាក់នៅភូមិតាង៉ូវសង្កាត់ និរោធ ខណ្ឌច្បារអំពៅ មានស្រុកកំណើត នៅសង្កាត់ស្ទឹងមានជ័យ ខណ្ឌមានជ័យ បុរសជាប្តីមាន ឈ្មោះ ហង្ស សំរិទ្ធ ហៅពៅ អាយុ២២ឆ្នាំ មុខរបរ ចុងភៅ ភោជនីយដ្ឋាន ស្នាក់នៅជាមួយគ្នា មានស្រុកកំណើត នៅសង្កាត់បឹងសាឡាង ខណ្ឌទួលគោក ។ ចំណែក ស្រ្តីជាស្រីស្នេហ៍មានឈ្មោះ វិច្ឆិកា ហៅស្រីកា អាយុ២២ឆ្នាំ ធ្វើការជាមួយ ហង្ស សំរិទ្ធ ។
ស្រ្តីជាប្រពន្ធ បានឲ្យដឹងថា គាត់បានរៀបការ ជាមួយបុរស ជាប្តី នៅថ្ងៃទី០៨ ខែមិថុនា ឆ្នាំ ២០១៥ រស់នៅ ជាមួយគ្នា រហូតមកដល់បច្ចុប្បន្ន បង្កើត បានកូនស្រីម្នាក់ អាយុ១ខួប៨ខែ មិនដែលមានទំនាស់ និងគ្នាទេ គឺស្រលាញ់គ្នា ខ្លាំងណាស់ ។ រហូតដល់ដើមឆ្នាំ២០១៧ គាត់មាន អារម្មណ៍ថា ប្ដីគាត់ ប្លែក ខ្លាំង ដូចជាឧស្សាហ៍ចូល ផ្ទះយប់ ហើយចេញ ពីធ្វើការ មិនសូវមកផ្ទះ ពេលសួរនាំថា រវល់ពេក ស្នាក់នៅកន្លែង ការងារ ធ្វើឲ្យរូបគាត់ ចេះតែមានការស ង្ស័ យ បានឆែក មើលទូរស័ព្ទដៃ ឃើញមានទំនាក់ទំនង តាមបណ្តាញ សង្គមហ្វេសបុក ជាមួយឈ្មោះ ស្រីកា ដែលរូបគាត់ ក៏ស្គាល់នាងដែរនោះ ប៉ុន្តែប្តីគាត់បានដោះសារថា គ្រាន់តែលេងសើចទេ មិនយកជាប់ទេ ។
ស្រ្តីជាប្រពន្ធ បាន បន្តទៀតថា ទោះបីជាប្តីប្រាប់ថា គ្រាន់តែលេងសើច ពិតមែន តែប្តីនៅតែលួច ទាក់ទង នាងរហូតមក ដោយដើរលេង ជាមួយគ្នាជាញឹក ញាប់ គាត់បានសួរប្តីជាលើកទី២ ទៀត តែលោកប្តីប្រាប់ថា ប្រុសណាមិន ចេះខូច គ្រាន់ តែស៊ីរួចបោះចោល គាត់មិន ចោលប្រពន្ធកូនទេ ហើយដោយសារតែ មិនចង់ លែងលះគ្នា គាត់ចេះតែទ្រាំរហូតមក ។
បន្ទាប់ពីបាត់ប្តី អត់ឃើញចូលផ្ទះ ៣ថ្ងៃ គាត់បានដើររកប្តី មកដល់ក្នុងបរិវេណ កោះពេជ្រ ស្រាប់តែប្រទះ ឃើញប្តី ដឹកស្រីស្នេហ៍ដើរលេង ក្នុងកោះពេជ្រយ៉ាង ស្អិតល្មួត ធ្វើឲ្យគាត់ចុក ឈាម ទាំងពរកូនក្នុង ដៃម្ខាងផង ក៏ស្រែកផ្អើល ឆោឡោ ឲ្យសន្តិសុខនៅកោះពេជ្រ ចុះមកអន្តរាគមន៍ ឃាត់សហាយ ស្មន់២នាក់នេះ យកទៅសួរនាំ និងស្នើសុំឲ្យសន្តិសុខ ជួយធ្វើកំណត់ ហេតុផង ប្ដីគាត់មានសាហាយ ទាំងមិនទាន់ បានលែងលះប្រពន្ធដើម ។ ទោះបីគាត់មិនមាន ចុះអេតាស៊ីវិល ក៏ដោយ តែគាត់ មានច្បាប់ការត្រឹមត្រូវ និងមាន មេបាចូលក្រាបផ្ទឹមរៀបការ ដោយមានម្ដាយ ខាងប្រុសស្រី អោយពរជ័យអោយលោភជ័យ ។
បុរសជាប្តីបានបង្ហើបថា គាត់ពិតជាស្រឡាញ់ ស្រី្តឈ្មោះស្រីកានេះ ពិតប្រាកដមែន រយៈពេលជិត មួយឆ្នាំមកហើយ ព្រោះធ្វើការជាមួយគ្នា ។ ហើយនៅថ្ងៃកើត ហេតុនេះ គាត់មានបំណង ឌុបប្រពន្ធ ចុងរបស់គាត់ មកឲ្យសុំទោស ប្រពន្ធដើម ទើបគាត់ណាត់ប្រពន្ធដើម ឲ្យមកជួបនៅកោះពេជ្រ ពេលដែលមកជួប នៅកោះពេជ្រ បែរជាប្រពន្ធដើម ស្រែកផ្អើល ឆោឡោ ឲ្យសន្តិសុខយាមនៅកោះពេជ្រ ឃាត់ពួកគាត់ទាំង ២នាក់ទៅវិញ ។
ចំណែកស្រ្តីដែលជា ស្រីស្នេហ៍នោះ ព្យាយាមបិទបាំងមុខ និងមិនបាននិយាយអ្វីទាំងអស់ ព្រោះនេះជាសិទ្ធបុគ្គល ។ ដោយឡែកសន្តិសុខក្នុងកោះពេជ្រ បានប្រាប់ថា ដោយមានការផ្អើលឆោឡោ ប្រពន្ធតាមទាន់ប្ដីមានសាហាយស្មន់ ហើយខ្លាចប ង្កហិ.ង្សា ទើបកម្លាំងសន្តិសុខ ឃាត់ភាគីទាំង ៣នាក់ មកស្នាក់ការធ្វើការ សម្របសម្រួល និងណែនាំឲ្យ ទៅប្តឹងនៅ សាលាសង្កាត់ស្ទឹងមានជ័យ ព្រោះពួកគាត់ រៀបការ និងរស់នៅទីនោះ ។ក្រោយកើតហេតុ ស្រ្តីជាប្រពន្ធ បានហៅបុរសជា ប្តីទៅធ្វើការ លែងលះគ្នា នៅសាលា សង្កាត់ ស្ទឹងមានជ័យ ៕
