ម្ចាស់បទ ”មនុស្សដែលបងស្រលាញ់ ជាងគេ គឺអូន” លោកគូម៉ា ដែលជាតារា ចម្រៀង ផលិតកម្ម ថោន បានអះអាង ប្រាប់ ”នគរធំ” កាលពីថ្ងៃទី ២២ ខែវិច្ឆិកា ឆ្នាំ២០២០ ថា កាដែលគេយក ឈ្មោះលោកទៅប្រើលើ អ្នកផ្សេងថា ជាឈ្មោះ “គូម៉ា Copy” នៅលើ បណ្ដាញសង្គម Tik Tok នោះ លោកមិនអាចហាមឃាត់គេ បានឡើយ ហើយក៏មិនមាន វិធានការណ៍នោះ ទេ ព្រោះអ្នកទាំងនោះ ក៏ជាអ្នក គាំទ្រ (Fan) របស់ លោកដែរ។
ប៉ុន្ដែអ្នកចម្រៀង សំនៀង ផ្អែមរូបនេះ ថា សូមលេងក្នុងន័យល្អ តែបើលេងក្នុងផ្លូវ អវិជ្ជមានណាមួយ លោកនឹងមិន អនុញ្ញាតនោះទេ។ លោកថា ការយកឈ្មោះ លោកទៅលេង នៅលើ Tik Tok នោះ មិនបានជួយ ធ្វើឲ្យលោកល្បីល្បាញ ថែម ទៀតទេ ដោយសារ តែកេរ្ដិ៍ឈ្មោះល្បី គេស្គាល់ ពីមុនមកហើយ ទើបបាន ជាត្រូវបានគេ យកទៅហៅ ថា “គូម៉ា Copy” ។
រយៈពេល ជាច្រើនខែមក ហើយដែល គូម៉ា ត្រូវបានអ្នកលេង Tik Tok ឈ្មោះសុវណ្ណ កូកូ (Sovan KoKo) បាន ប្រកាសថា លោកមានមុខមាត់ដូច គូម៉ាហ្ស៊ីន បេះបិទ តែម្ដង ទើបហៅខ្លួនឯងថា “គូម៉ា Copy” តែត្រូវបានអ្នកខ្លះ រិះគន់ថា ឪពុក ម្ដាយខ្លួនឯង មិនចង់ដូច បែរជា ទៅចង់ដូច គេទៅវិញ។
ចំណែកតារាសម្ដែង សាច់សខ្ចីម្នាក់ ឈ្មោះស៊ីវ ម៉ី ថែមទាំងបាន ជំរុញឲ្យ Sovankoko ទៅវះកាត់កែច្នៃមុខមាត់ ទៀតផង បើចង់ឲ្យដូច គូម៉ាហ្ស៊ីន ដោយនាងថែមទាំង ព្រមានថា បើមិនអីចឹងទេ ប្រយ័ត្នមន្ទីរពេទ្យកែប្រែហៅ។ប៉ុន្ដែភ្លាមនោះ តារាសម្ដែង សុវណ្ណ កូកូ បានបក អា ក្រាត ទៅស៊ីវ ម៉ី ថាចរិត មិនកើត ជាមនុស្សឆ្អិន ក្បាលស៊ីក្បាល ឆ្អិនកន្ទុយស៊ីកន្ទុយ អីចឹង ហើយបានជា សង្សារ បោះបង់ចោល។
ដោយឡែក តាមព័ត៌មានថា គូម៉ា មិនហ៊ាន ចេញពីផ្ទះឡើយ តាំងពីផ្ទុះរឿងមាន “គូម៉ា Copy” នោះ ព្រោះលោក ទៅណាគេច្រឡំតែលោក សុវណ្ណ កូកូ ខណៈដែលសុវណ្ណ កូកូ បានអួតថា ខ្លួនទៅណា ក៏គេច្រឡំថាជា “គូម៉ា ហ្ស៊ីន” ដែរ។
យ៉ាងណា គេកត់សម្គាល់ថា មិនមែន តែគូម៉ា ម្នាក់ទេ ដែលត្រូវបានគេយក ទៅប្រើលើឈ្មោះអ្នកផ្សេងថា ជា “គូម៉ា Copy” នោះ ព្រោះ លោក អ៊ីណូ និង កែវ វាសនា ជាដើម ក៏មានអ្នកតាំងខ្លួនថា រូបគេជាអ្នកដូចតារាទាំងនោះ រហូតបែងចែក មិនចេញ ក៏ហៅថា Copy តែម្ដង។
គូម៉ា បានឲ្យដឹងថា លោកនៅតែ បន្ដច្រៀងឲ្យផលិតកម្មថោន តទៅទៀត ដោយកុងត្រា នៅមានរយៈពេលយូរ ឆ្នាំទៀត ហើយបើទោះ ជាមុននេះ តារាសំខាន់ ២ដួង គឺមាស សុខសោភា និង ខេម បានចេញក្ដី តែលោកគិតថា នោះជាការ សម្រេចចិត្តបស់ពួកគាត់។ ចំណែកចំណងស្នេហា ជាមួយស្រីស្អាត ម៉ៅ គឹមធីតា វិញ លោកថា មានភាពចុះ សម្រុងគ្នា ដោយរលូន៕
