អាជ្ញាធររាជធានីភ្នំពេញ បានព្រមាន ចំពោះអ្នកបិទស្លាក ឬប័ណ្ណផ្សព្វ ផ្សាយព័ត៌មាន ចង់ផ្ទាំង ប៉ាណូផ្សាយ ពាណិជ្ជកម្មនៅតាមទីសាធារណៈ ដែលនាំឱ្យបាត់បង់ សណ្តាប់ធ្នាប់សាធារណៈ ប៉ះពាល់ សោភ័ណភាព និងបរិស្ថាន ក្នុងរាជធានីភ្នំពេញ ដោយឱ្យអាជ្ញាធរ មូលដ្ឋាន ចាប់អប់រំ ផា ក ពិន័យ ធ្វើកិច្ច សន្យា ប្រមូលសម្អាត ហើយករណី ធ្ង ន់ ធ្ងរ នឹងអាច បញ្ជូនទៅតុលាការទៀតផង។
រដ្ឋបាលរាជធានីភ្នំពេញ ធ្លាប់ បានចេញសេចក្តីជូនដំណឹងព្រមាន ពិន័យ ដល់គ្រប់អង្គភាព ស្ថាប័នឯកជន វិទ្យាស្ថានអប់រំ អង្គការ សមាគម និងក្រុមហ៊ុននានា ឱ្យបញ្ឈប់ជាបន្ទាន់ នូវការបិទផ្សាយ បណ្ណព័ត៌មាន ការចងផ្ទាំង ផ្សាយ អនាធិបតេយ្យ ការចែកខិត្តប័ណ្ណ ផ្សេងៗ និងប្រើឧបករណ៍បំពង សំឡេង ផ្សព្វផ្សាយពាណិជ្ជកម្ម នៅតាមទីសាធារណៈ រួចមកហើយ។
ប៉ុន្តែរហូតមកដល់ពេលនេះ នៅតែមានអង្គភាព ស្ថាប័នឯកជន វិទ្យាស្ថានអប់រំ ក្រុមហ៊ុននានា បន្តចងផ្ទាំង ប៉ាណូផ្សព្វផ្សាយអនាធិបតេយ្យ ចែកខិត្តប័ណ្ណ តាមភ្លើងស្តុប និងបិទស្ទីកគ័រ ផ្សាយព័ត៌មាន ប័ណ្ណផ្សាយ ពាណិជ្ជកម្ម នៅតាម បង្គោលភ្លើង ដើមឈើ របងអ គារសាធារណៈ របងការដ្ឋាន រមណីយដ្ឋាន គូរគំនូរអាហ្វីស ការប្រើប្រាស់ ឧបករណ៍បំពង សំឡេង ផ្សព្វផ្សាយពាណិជ្ជកម្ម ការដង្ហែក្បួន ផ្សព្វផ្សាយ ផលិតផលផ្សេងៗ នៅតាមរថយន្ត ម៉ូតូ រ៉ឺម៉ក និងការដាក់ ឆត្រតាម ដងផ្លូវសាធារណៈចែក ស៊ីមកាត ព្រមទាំង ចែកខិត្ត ប័ណ្ណផ្សេងៗ ដែលបង្កឱ្យប៉ះពាល់ យ៉ាងធ្ង ន់ ធ្ងរ ដល់សោភណភាព សណ្តាប់ធ្នាប់ សាធារណៈ អនាម័យ និងបរិស្ថាន ក្នុងរាជធានីភ្នំពេញ ដដែល។
ដោយមើលឃើញ ពីបញ្ហានេះ ទើបពេលថ្មីៗនេះ រដ្ឋបាលរាជធានី ភ្នំពេញ ស្នើឱ្យអាជ្ញាធរគ្រប់ លំដាប់ថ្នាក់ក្នុងរាជធានីភ្នំពេញ រួមមាន រដ្ឋបាលខណ្ឌ សាលា សង្កាត់ និងនគរបាល ប៉ុស្តិ៍ រដ្ឋបាល ត្រូវយកចិត្តទុក ដាក់សហការ ឃ្លាំមើល និងមានវិធានការយ៉ាងម៉ឺងម៉ាត់បំផុតចំពោះជន ដែលបានប្រព្រឹត្តនូវសកម្មភាពអវិជ្ជមាន ទាំងនេះ ហើយត្រូវធ្វើការ អប់រំ ឬតម្រូវឱ្យចុះ កិច្ចសន្យាចំពោះមុខសមត្ថកិច្ចឱ្យ បានច្បាស់លាស់ ក្នុងការប ញ្ឈ ប់ សកម្មភាព ព្រមទាំងតម្រូវឱ្ យចុះប្រមូលឱ្យបាន ស្អាតនូវសម្ភារៈ ដែលបានបង្កឱ្យបាត់ បង់សោភណភាព និងរបៀប រៀបរយសង្គម។
រដ្ឋបាលសាលា រាជធានីភ្នំពេញ បញ្ជាក់ថា ក្នុងករណី មិនរាងចាល ត្រូវធ្វើការផាក ពិន័យ ទៅតាមស្ថាន ទ ម្ង ន់ ទោសដែលសាមីជនបា នប្រព្រឹត្ត ឬផ្អាក អាជីវកម្ម ហើយក្នុងករណីធ្ង ន់ ធ្ងរត្រូវបញ្ជូនខ្លួន ទៅតុលាការថែមទៀត៕
