បើយោងតាមគណនីហ្វេសប៊ុក របស់ឈ្មោះ អ៊ុក ឯក សង្ហា បានបង្ហោះវីដេអូឃ្លីប មួយដែលមានរយៈពេល ០:២៦វិនាទី កាលពីព្រឹកថ្ងៃទី០១ ខែធ្នូ ឆ្នាំ២០២០នេះ ស្រ្តីវ័យចំណាស់ ម្នាក់ មានបំណង ចូលទៅបង់ ថ្លៃអគ្គិសនី នៅស្នាក់ការ ក្នុងសង្កាត់ វត្តភ្នំ ខណ្ឌដូនពេញ តែត្រូវខាង បុគ្គលិក អគ្គិសនីកម្ពុជា តម្រូវឲ្យគាត់ ពាក់ម៉ាស់ មុនចូល ទៅក្នុង ដើម្បីបង់ថ្លៃ(អគ្គិសនី) ។
ប៉ុន្តែស្ត្រីមិនទាន់ស្គាល់ អត្តសញ្ញាណរូបនេះ នៅតែនិយាយ ចចេស មិនព្រមពាក់ ម៉ាស់ទេ ទោះបីមាន ការអង្វរ.កពី សំណាក់ មន្រ្តីអគ្គិសនី យ៉ាងណា ក៏ដោយ គាត់នៅតែ បដិសេធមិនព្រម ទទួលម៉ាស់ ដែលគេជូនម៉ាស់ ឲ្យគាត់ថែមទៀត ។ មិនតែ ប៉ុណ្ណោះ ក្នុងឃ្លីបវីដេអូមួយនេះ អមដោយសារថា៖ «ទោះស្លា ប់ ក៏គាត់មិន ពាក់ម៉ាស់ដែរ» ប ង្កឲ្យមាន ការរិះគន់យ៉ាងខ្លាំង ទៅលើស្ត្រីម្នាក់នេះ ក្នុង បណ្ដាញសង្គម។
សូមជម្រាបថា ក្រសួងសុខាភិបាល កម្ពុជា កាលពីពេលថ្មីៗនេះ ធ្លាប់ បានអំពាវនា ដល់ប្រជាពលរដ្ឋ ត្រូវបន្ត ប្រុងប្រយ័ត្ន ហើយអំពាវនាវឲ្យ មានការពន្យារការ រៀបអាពាហ៌ពិពាហ៌ ពិធីជប់លៀង ការចាក់ធុងបាសរាំ ។ល។ និងបន្តរក្សា គ ម្លា ត ពីគ្នា ពាក់ម៉ាស់ នៅពេលចាំបាច់ និងឧស្សាហ៍ លាងដៃ ជាមួយ សាប៊ូ អាល់កុល ឬជែល ។
បន្ទាប់ពី«ព្រឹត្តិការណ៍សហគមន៍២៨វិច្ឆិកា» គឺករណីឆ្លងកូវីដ-១៩ ក្នុងសហគមន៍ ជាលើកដំបូង នៅកម្ពុជា សម្តេចតេ ជោ ហ៊ុន សែន នាយក រដ្ឋមន្ត្រីនៃកម្ពុជា បាន កំណត់ពេលវេលា ១៥ថ្ងៃ ក្នុងការ ប្រយុទ្ធជាមួយ កូវីដ-១៩ ក្នុងព្រឹត្តិការណ៍ សហគមន៍ ២៨វិច្ឆិកា។
សម្តេចតេជោ ហ៊ុន សែន បានថ្លែងថា ដើម្បីឲ្យការប្រយុទ្ធ បានជោគជ័យ ក្នុងរយៈពេល ១៥ថ្ងៃនេះ មិនអាច ពឹងតែ លើរាជរដ្ឋាភិបាល និងអាជ្ញាធរនោះទេ គឺត្រូវតែមាន ការចូលរួមពីប្រជាពលរដ្ឋ ។ជាមួយ គ្នានេះ សម្តេចតេជោ ហ៊ុន សែន ដើម្បីទប់ ស្កាត់ការរីករាលដាល ជំងឺកូវីដ-១៩ បានដាក់ ចេញវិធានការថ្មី មួយទៀត គឺផ្តល់សិទ្ធិឲ្យរដ្ឋមន្ត្រី និងអភិបាល រាជធានី-ខេត្ត បិទក្រសួង ឬស្ថាប័នក្រោម ការគ្រប់គ្រងរបស់ក្រសួង បិទ សាលា បិទ អាហារដ្ឋាន ឬទីតាំង ពាក់ព័ន្ធព្រឹត្តិការណ៍នេះ សហគមន៍ ២៨វិច្ឆិកា។
សម្តេចតេជោ បានរំពឹងថា ប្រជាពលរដ្ឋខ្មែរ ទាំងអស់ នឹងចូលរួមសហការគ្នា ដើម្បីប្រយុទ្ធប្រឆាំង នឹងជំងឺ កូវីដ-១៩ ហើយអាចយកឈ្នះ លើព្រឹត្តិការណ៍នេះ ផងដែរ ។តោះសូមទស្សនា វីដេអូ នូវទង្វើ របស់ស្ត្រីដែលបដិសេធ មិនព្រមពាក់ ម៉ាស់មា នដូចខាងក្រោម ៖
