តារាចម្រៀងខេម ប៊ុនថៃ ហៅខេមរៈ សិរីមន្ដ ធ្លាប់បានអូសដៃ ក្មួយស្រីឲ្យថត MV ជាមួយខ្លួនបទ ”វាលត្រែង វាលស្មៅ” ដែលពូនិងក្មួយសម្ដែងដូចគូសង្សារ មែនទែន។ ថ្មីៗនេះដែរ លោកសិរីមន្ត ក៏បាននាំក្មួយស្រីម្នាក់ទៀត ឈ្មោះ Danny Danny មកថត MV ជាមួយលោកតាមរយៈបទ ”ឆ្លងឆ្នាំ២នាក់”
ដែលម្ដងនេះ ក៏មិនខុសពីមុនដែរ គឺពូនិងក្មួយប ង្ហាញកាយវិការផ្អែមល្ហែម ជាមួយគ្នាដូចគូស្នេហ៍អីចឹង ខណៈដែល ក្មួយស្រីម្នាក់នេះ សិរីមន្ដ កំពុងតែដុះខាត់ ឲ្យនាងដើរតាម គន្លងរបស់ខ្លួន ក្នុងការចាប់អាជីព ជាតារាចម្រៀងដូចប្អូនស្រីបង្កើត (ខេមរៈ ស្រីពៅ)។
នេះមិនមែន ជាលើកទី១ឡើយ ដែលលោកខេម ប៊ុនថៃ បានយកសាច់ញាត្តិរបស់ខ្លួនឲ្យលេងសិល្បៈ ដើរតាមផ្លូវលោកនោះ ព្រោះកាលពីឆ្នាំ២០០៤ សិរីមន្ដ ក៏បាននាំប្អូនស្រី របស់លោក កញ្ញាខេមរៈ ស្រីពៅ ចូលច្រៀង នៅ U2 និងចូលសាន់ដេ ឆ្នាំ២០១០ ជាមួយគ្នាដែរ ហើយ សិរីមន្ដ ថែមទាំងឲ្យ អង្គរក្ស និងអ្នកបើកឡាន ឲ្យខ្លួនថត MV ជាញឹកញាប់ផងដែរ។
ប៉ុន្ដែគួរឲ្យស្ដាយ ប្អូនស្រីសំណព្វចិត្តរបស់សិរីមន្ដ កញ្ញាខេមរៈ ស្រីពៅ បានលាចាកលោក ក្នុងអាយុ២៩ឆ្នាំ កាលពីថ្ងៃទី២៥ ខែមករា ឆ្នាំ២០១៩ ទៅហើយ ដែលពេលនេះ ធ្វើឲ្យសិរីមន្ដ នៅតែអាឡោះ អាល័យដល់ប្អូនស្រី។
ដោយមើលឃើញក្មួយស្រីទាំង២ មានដុងសិល្បៈ ទើបសិរីមន្ដ ប្រឹងសណ្ដោង ពួកគេឲ្យដើរតាមគន្លង របស់ខ្លួនតែម្ដង តាមរយៈការផ្ដល់ឱកាស ឲ្យថត MV បទល្បីៗរបស់លោក នៅហង្សមាស ផ្ទួនៗតែម្ដង។
គូរបញ្ជាក់ថា ខេមរៈ សិរីមន្ដ ក្រោយពីល្បីបទ ”ពឺតៗ” នោះ លោកសិរីមន្ត ក៏ត្រូវភរិយា អ្នកនាង កុយ ផល្លី ធ្វើខួបកំណើតឲ្យគម្រប់អាយុ ៣៥ឆ្នាំ កាលពីថ្ងៃទី៣ ខែវិច្ឆិកា ហើយតារាកូន ៣រូបនេះ កាន់តែបង្ហាញភាព ផ្អែមល្ហែមស្នេហ៍ ជាមួយប្រពន្ធកាន់តែខ្លាំងឡើងៗ បើទោះជាពេលនេះ នៅតែគ្មានដំណឹង នៃការចូលរោងការក្ដី។
ប៉ុន្ដែលោកសិរីមន្ត ធ្លាប់ប្រកាសថា លោកបានរៀបការ ជាមួយអ្នកនាងផល្លី រួចទៅហើយ កាលពីឆ្នាំ ២០០៩ បើទោះជាមហាជននៅតែមិនអស់ចិត្ត ព្រោះលោកសិរីមន្ត គ្មានភស្ដុតាង មកបង្ហាញក្ដី៕
