ប៉ូលិសឥណ្ឌា កាលពីថ្ងៃពុធ កន្លងទៅនេះ បាននិយាយថា អ្នកនយោបាយម្នាក់ ដែលជិះក្របី ដើម្បីទាក់ទាញ ការចាប់ចាប់អារម្មណ៍ ចំពោះយុទ្ធនាការ របស់គាត់ សម្រាប់ការ បោះឆ្នោតរដ្ឋ នាពេល ខាងមុខនេះ ត្រូវបាន ចោទប្រកាន់ ពីបទ ធ្វើបាបលើសត្វ។
លោក Mohammad Parvez Mansoori ដែលកំពុងប្រជែង យកអាសនៈសភា នៅ Gaya ក្នុងរដ្ឋ Bihar ភាគខាង កើតនៃប្រទេសឥណ្ឌា សម្រាប់ការស្ទង់មតិបាន និយាយថា គាត់ចង់គូសបញ្ជាក់ ពីកំរិតបំពុលបរិស្ថាន នៅក្នុងទីក្រុង ដោយធ្វើដំណើរជាមួយសត្វ ជាជាង ជិះឡាន ឬ ម៉ូតូ។
ទោះយ៉ាងណា សកម្មភាពដ៏ប្លែកនេះ របស់គាត់ ត្រូវបានអាជ្ញាធរ និយាយថា គាត់បានបំពានគោល ការណ៍ណែនាំ ពីគណៈកម្មការរៀបចំការ បោះឆ្នោតឥណ្ឌា មិនឱ្យប្រើសត្វ សម្រាប់ធ្វើយុទ្ធនាការនោះទេ។មន្ត្រីប៉ូលិសក្នុង តំបន់ លោក Uday Kumar បាននិយាយថា៖ “វាជាករណីប្រព្រឹត្តឡើង ដ៏ឃោរ. ឃៅ.ចំពោះសត្វ និងជាការបំពាន គោលការណ៍ ណែនាំ”។
តាមរយៈរូបភាព ដែលត្រូវបានចែកចាយ នៅលើបណ្តាញសង្គម បានបង្ហាញឲ្យឃើញ លោក Mansoori កំពុងជិះ លើខ្នង ក្របី ដែលមាន ក្រណាត់ពណ៌លឿង ដោយព័ទ្ធជុំវិញ ដោយហ្វូងមនុស្ស ជាអ្នកគាំទ្រ។លោក Kumar បាននិយាយថា លោក Mansoori ដែលជាបេក្ខភាព នៃក្រុមប្រឹក្សា Rashtriya Ulama ដែលជាគណបក្ស តូចតាច ត្រូវបាន ចាប់ខ្លួន និងឃុំខ្លួនមួយ រយៈខ្លី មុនពេលត្រូវ បា ន ដោះ លែង៕
