អាជ្ញាធរ ជាតិអប្សរា បានពិនិត្យឃើញថា គណនី Facebook ឈ្មោះ Bun Von បានសរសេរ ខ្លឹមសារ និងរូបភាព បង្ហោះក្នុងបណ្ដាញទំនាក់ ទំនងសង្គមថា ” នៅសៀមរាប យូរហើយ ទើបតែឃើញដើ មឈើដ៏ធំ មួយដើម នៅតំបន់ អង្គរ ដែលបានដួ លរលំក្នុង ព្រៃ កុំសួរខ្ញុំថាវាដួល រលំដោយខ្លួនឯង ឬវា ត្រូវគេកាត់ …” និងគណនី ឈ្មោះ ounneang 2010 បានធ្វើវីដេអូឃ្លីបមកបង្ហោះ ផ្សព្វផ្សាយ ក្នុងបណ្ដាញទំនាក់ទំ នងសង្គម Facebook និង Tik Tok ថា ” ថ្ងៃនេះមក លេងអង្គរវត្ត តែគេ មិនឲ្យថត”។
អាជ្ញាធរជាតិ អប្សរា បានឲ្យដឹងថា ដើម្បីចៀសវាង សាធារណជនអ្នកសារព័ត៌មាន និងពិសេសអ្នក និយម ប្រើប្រាស់បណ្ដាញទំនាក់ទំនងសង្គម មានការយល់ច្រឡំ អាជ្ញាធរ ជាតិអប្សរា សូមធ្វើការបញ្ជាក់ថា កាលពីថ្ងៃទី១២ ខែធ្នូ ឆ្នាំ២០២០ អាជ្ញាធរជាតិអប្សរា បានធ្វើការ ស្រាវជ្រាវ និងសូមបញ្ជាក់ជូនថា ដើមឈើទាល ១ដើម មានមុខកាត់ទំហំ ១២០សង់ទីម៉ែត្រ កម្ពស់ ៣០ម៉ែត្រ ត្រូវបានដួលរលំ នៅផ្នែកខាងជើងប្រាសាទ តាព្រហ្ម ដោយមូលហេតុជំងឺពុក គល់ខ្លាំង និងដោយសា រភ្លៀងខ្យល់ ក្នុងរដូវវស្សាឆ្នាំ២០២០នេះ។
នាយកដ្ឋានគ្រប់គ្រងព្រៃឈើ ទេសភាព វប្បធម៌ និងបរិស្ថាន នៃអាជ្ញាធរជាតិ អប្សរា បាននិងកំពុង កាត់សម្អាត និងអារច្រៀក ក្នុងនោះកំណាត់ ឈើដែលអាច ប្រើប្រាស់បាន គឺមានប្រវែង ប្រហែល១៥ម៉ែត្រប៉ុណ្ណោះ។
អាជ្ញាធរជាតិអប្សរា សូមជម្រាបជូនថា ជាទូទៅមុននឹងធ្វើការ កាត់ដកហូតដើមឈើ ទាំងមូល កាត់ដកហូត ដើមឈើពាក់កណ្ដាលដើម និងកាត់ក្រីមែកឈើ ដែលមានហា និភ័យខ្ពស់ ក្នុងតំបន់រមណីយ ដ្ឋានអង្គរ អាជ្ញាធរ អប្សរា តែងតែជូនដំណឹងមុនឲ្យសាធារណជន បានជ្រាប និងក៏បានបញ្ជាក់ជូន ផងដែរ នូវកាលបរិច្ឆេទ និង ទីតាំងច្បាស់លាស់។
អាជ្ញាធរជាតិអប្សរា សូមឆ្លើយតបជូន គណនេយ្យ Facebook ឈ្មោះ ounneang 2010 ថា អាជ្ញាធរជាតិ អប្សរា ពុំមានគោលការណ៍ ក្នុងការហាម ឃាត់ ការថតវីដេអូ ដាក់ក្នុងបណ្តាញ Tik Tok នោះទេ ទោះបីជាយ៉ាង ណា សកម្មភាព ទស្សនាក្នុងតំបន់រមណីយ ដ្ឋានអង្គរ គឺត្រូវគោរពអនុវត្តតាម ក្រមប្រតិបត្តិអង្គរ ដែលបានដាក់ ឲ្យអនុវត្តចាប់ពីអំឡុងខែធ្នូ ឆ្នាំ២០១៥ ។
អាជ្ញាធរជាតិអប្សរា សូមថ្លែងអំណរគុណសាធារណជន អ្នកសារព័ត៌មាន និងបណ្ដាញទំនាក់ទំនងសង្គម ដែលបានចូលរួមចំណែកយ៉ាងសកម្ម ក្នុងការផ្តិត យករូបភាពក្នុងតំបន់រមណីយដ្ឋានអង្គរ និងធ្វើការផ្សព្វផ្សាយតាម ប្រព័ន្ធផ្សព្វផ្សាយ ពិសេសលើបណ្ដាញទំនាក់ ទំនងសង្គម ដែលជំរុញកំណើន ភ្ញៀវទេសចរជាតិ និងអន្តរជាតិ មាន ចំណាប់អារម្មណ៍ និងកំណត់គោលដៅទស្សនកិច្ច នៅរមណីយ ដ្ឋានអង្គរ និងក៏សូមសំណូមពរ ដល់មហាជន សូមមេត្តាចៀសវាងធ្វើការ សន្និដ្ឋាន វាយតម្លៃរឿងហេតុ ខ្វះការស៊ើបបញ្ជាក់ ដែលអាចប ង្កឲ្យប៉ះពាល់ដល់ កិត្តិយស និងសេចក្តីថ្លៃថ្នូរ របស់មន្ត្រី និងអាជ្ញា ធរជាតិអប្សរា៕
