ក្រសួងសេដ្ឋកិច្ច និងហិរញ្ញវត្ថុ បានសម្រេច បន្ថែមពន្ធចំនួន ៥% លើរថយន្តដែលម្ចាស់ នាំចូល ពីក្រៅដើម្បី ប្រើប្រាស់ ផ្ទាល់ខ្លួន និងមិន អនុញ្ញាតឲ្យ លក់បន្ត នៅមុនពេលចុះ បញ្ជីធ្វើស្លាកលេខរួច។
នេះបើយោងតាម សេចក្តី ជូនដំណឹងរបស់ក្រសួង សេដ្ឋកិច្ច ចេញផ្សាយកាលពីថ្ងៃ១០ធ្នូ ចុះហត្ថលេខា ដោយលោក អូន ព័ន្ធមុនីរ័ត្ន ស្តីពី ការកំណត់ លក្ខខណ្ឌ និងវិធានការមួយចំនួនលើការ នាំចូល រថយន្តជាប់ សិទ្ធិផ្តាច់មុខ ជាលក្ខណៈ បុគ្គល សម្រាប់ប្រើប្រាស់ផ្ទាល់ខ្លួន ។
លិខិតបន្តថា ដើម្បីពង្រឹង ប្រសិទ្ធភាព នៃការគ្រប់គ្រងការ នាំចូល ជាលក្ខណៈបុគ្គល សម្រាប់ប្រើប្រាស់ផ្ទាល់ខ្លួន នូវ រថយន្តស៊េរីថ្មី ដែលជាប់សិទ្ធិផ្តាច់មុខ លើការនាំចូល និងចែកចាយ ក្រសួងសម្រេច កំណត់ លក្ខណៈនិងវិធានការ ៣ចំណុច ៖ ១.បូកបន្ថែម៥% លើតម្លៃគិតពន្ធគយ ,
២.បុគ្គលនាំចូល មិនអាចលក់ផ្ទេរ កម្មសិទ្ធិរថយន្ត ទៅបុគ្គលផ្សេង មុន ពេលចុះបញ្ជីផ្អាកលេខរថយន្ត ជាកម្មសិទ្ធិផ្ទាល់ខ្លួនបានឡើយ និង៣.បុគ្គលដែលមិនអនុវត្តតាមលក្ខខណ្ឌចែងក្នុងចំណុច២ ខាងលើនឹងត្រូវរងនូវទោសទណ្ឌ តាមបទបញ្ញប្បតិជាធរមាន៕
