មនុស្សយើងម្នាក់ៗ កើតមកមានវាសនា ខុសគ្នា អ្នកខ្លះសមប្រកបទៅនឹងជីវិតការងារ នាំឱ្យរស់នៅ ធូធា មានសុភមង្គល ឯខ្លះទៅទៀត កំពុងតស៊ូរស់នៅ ទាំងលំបាក លំបិន បានព្រឹកខ្វះល្ងាច បានល្ងាចខ្វះយប់គួរឱ្យ អាសូរណាស់។ ជាក់ស្ដែង លោកពូកម្សត់ម្នាក់នេះ ពិការជើង រស់នៅក្នុងព្រៃតែ ម្នាក់ឯង គ្មានប្រពន្ធ គ្មានកូនរស់នៅជាមួយ ហើយសឹងតែគ្មានអាហារសម្រាប់ហូបចុកចិញ្ចឹម ជីវិតទៀតផង ។
តាមរយៈ គណនីហ្វេសប៊ុក ឈ្មោះ Phon Vanna បានឱ្យដឹងថា នៅក្នុងភូមិខ្សោយ ឃុំរការ ស្រុកសង្កែ ខេត្តបាត់ដំបង ក្នុងព្រៃដោយឡែកពីអ្នកភូមិ មានខ្ទម តូចមួយ ដែលជាទីលំនៅ របស់លោកពូ ដ៏កម្សត់ម្នាក់ឈ្មោះ ហេង ដែលពិការជើង ខាងឆ្វេង កំពុងរស់នៅឯកោម្នាក់ឯង យ៉ាងលំបាកលំបិន ដោយសារខ្វះអាហា រ សម្រាប់ហូបចុកប្រចាំថ្ងៃ បានហូប មួយថ្ងៃ អត់មួយថ្ងៃ ពុំទៀង ទាត់ឡើយ ។
គួរបញ្ជាក់ ផងដែរថា លោកពូមានសតិមិនសូវគ្រប់ រស់នៅខុសប្លែកពី មនុស្សដ៏ទៃ នៅជុំវិញផ្ទះព័ទ្ធទៅដោយ ដើម ឈើធំៗ គូស រូបយន្ត អថ័នផ្សេងៗ រស់នៅស្ងប់ស្ងាត់តែម្នាក់ ហើយជីវភាពរស់ នៅគឺអាស្រ័យ ដោយ លក់ផ្លែដូង ផ្លែខ្នុរ ទៅឱ្យអ្នកភូមិ ដើម្បីបានកម្រៃខ្លះ ដោះទាល់ ជីវភាព ។ ថ្វីបើមានសតិ មិនគ្រប់បន្តិចមែន តែលោកពូមាន ចរិតស្លូតបូត និង ចេះធ្វើម្ហូប ដាំបាយ ចិញ្ចឹមជីវិតដោយ ខ្លួនឯង ដូចមនុស្ស ទូទៅផងដែរ ។
ដោយសារឃើញពីស្ថានភាព លំបាកបែបនេះហើយ បងប្រុសដែលជាម្ចាស់ គណនី បានអំពាវនាវឱ្យសប្បុរសជន ទាំងអស់ ដែលមានចិត្តអាណិតអាសូរ មេត្តាជួយ ឧបត្ថម្ភគ្រឿងបរិភោគដល់លោក ពូកម្សត់ម្នាក់នេះផង ។ សម្រាប់ សប្បុរសជនដែលចង់បរិច្ចាគ អាចទាក់ទងទៅបងប្រុសបានតាម រយៈទូរស័ព្ទលេខ ០៩៦ ៧៤ ១៤ ០១៩ ឬ ទាក់ទងផ្ទាល់ទៅកាន់ គណនីរបស់បងប្រុស ៕
