នៅព្រឹកថ្ងៃទី ៣០ ខែធ្នូ ឆ្នាំ ២០២០នេះ ជុំវិញរឿងរ៉ាវចាប់សត្វស្វានៅតំបន់ប្រាសាទ អ្នកនាំពាក្យអាជ្ញាធរអប្សរាបានថ្លែង ថា ចាប់ពីរសៀលថ្ងៃទី ២៨ ខែធ្នូ ឆ្នាំ២០២០ មកទល់ ពេលនេះ ក្នុងការចុះអនុវត្តន៍ការចាប់សត្វស្វានៅតំបន់ប្រាសាទ គឺខាងអាជ្ញាធរជាតិអប្សរា សហការជាមួយ អ្នកជំនាញរដ្ឋបាលព្រៃឈើ នៃក្រសួងកសិកម្ម រុក្ខាប្រមាញ់នឹងនេសាទ ចាប់សត្វស្វា សរុបទាំងអស់បាន ចំនួន ១៦ក្បាល ដើម្បីយកទៅ ធ្វើចត្តាឡីស័ក រួចទើបយកទៅ ព្រលែងឱ្យរស់នៅក្នុងព្រៃធម្មជាតិ ក្រៅបរិវេណរមណីយដ្ឋានអង្គរ ។
ជុំវិញមូលហេតុនៃការ ចាប់នេះដែរ ខាងអាជ្ញាធរអប្សរាធ្លាប់ បានបញ្ជាក់ហើយថា គឺដើម្បីបញ្ចៀស ការដណ្ដើមចំណី និង បង្ករការរំខាន ប៉ះពាល់ដល់ភ្ញៀវទេសចរ ដែលមកទស្សនាកំសាន្ត តំបន់ប្រាសាទ ។ លើសពីនេះ សត្វស្វាក៏បាន ប.ង្កហា និភ័យដល់ប្រាង្គប្រាសាទ ដូចជា រុញឲ្យជ្រុះនូវថ្មប្រាសាទ និងធ្វើឲ្យខូចខាត នូវផ្ទាំងបដាព័ត៌មាន ផ្សេងៗទៀតផង។
អាស្រ័យហេតុនេះហើយទើបខាង អាជ្ញាធរជាតិអប្សរាសម្រេច សហការជាមួយខាង មន្ត្រីជំនាញនៃ រដ្ឋបាលព្រៃឈើ ចុះចាប់សត្វស្វាកាចៗមួយចំនួន ចេញពីតំបន់នេះ ដោយធានាសុវត្ថិភាពខ្ពស់ ថែមទាំងយក ស្វាទៅធ្វើចត្តាឡីស័ក មុននឹងព្រលែងទៅរស់នៅក្នុង ព្រៃធម្មជាតិ ក្រៅបរិវេណរមណីយ ដ្ឋានប្រាសាទ៕
