បុរសប៉ាគីស្ថានម្នាក់ បានបង្កើតការ សប្បាយរីករាយឲ្យខ្លួនឯង ក្រោយរូបលោក បានពាក់ស្រោមមុខ ចចក រួមទាំងតុបតែងខ្លួនឲ្យមើល ទៅគួរឲ្យខ្លាច បន្លាច គេឯងតាមផ្លូវក្នុង ថ្ងៃចូលឆ្នាំថ្មី ។ ទោះជាយ៉ាងណា ការសប្បាយ របស់បុរសរូបនេះ មិនបានយូរឡើយ ក្រោយរូបលោក ត្រូវបានប៉ូលិសឃាត់ខ្លួន យកទៅសួរនាំនៅប៉ុស្ដិ៍ ។
ហេតុការណ៍ដ៏គួរឲ្យអស់សំណើចនេះ បានផ្ទុះលើបណ្ដាញសង្គម ក្រោយអ្នកកាសែត សញ្ជាតិប៉ាគីស្ថានម្នាក់ បានធ្វើការ បង្ហោះរូបបុរសស្រោម មុខចចក ដែលដៃ ជាប់ខ្នោះ ឈរថតអម ដោយប៉ូលិសសងខាង ភ្ជាប់ជាមួយ ពាក្យពេចន៍ថា «ប៉ូលិសនៅប៉ាគីស្ថាននៅក្រុង Peshawar
បានឃា ត់ខ្លួនបុរស វ័យក្មេងម្នាក់ ក្នុងថ្ងៃចូលឆ្នាំថ្មី ដែលរូបគេបានពាក្យ ស្រោមមុខ ដើរបន្លាចគេឯង» ។ក្រោយមក ព័ត៌មានមួយនេះ ត្រូវបានមហាជន ជាច្រើននាំគ្នាចែកចាយបន្ត ដោយពួកគេបាន បញ្ចេញប្រតិកម្មហួសចិត្ត និងគួរឲ្យចង់ សើចជាខ្លាំង ៕
