ប្រជាពលរដ្ឋ បានអោយ CPC NEWS ដឹងថា បច្ចុប្បន្ន នេះ មានបែ ចិញ្ចឹមត្រីជាច្រើន និង ផ្ទះបណ្តែតទឹក របស់ជនជាតិវៀតណាម កំពុងកើតមាន យ៉ាងអនាអធិតេយ្យ និង ការតាំង ទីលំនៅមិនស្របច្បាប់ ស្ថិតនៅក្រោម ស្ពានព្រែកព្នៅ ខណ្ឌព្រែកព្នៅ រាជធានីភ្នំពេញ ។
បញ្ហាប្រឈម នាពេលនេះ គឺ អនាគតទៅបើនៅតែបណ្តែតបណ្តោយ យ៉ាងអនាធិបតេយ្យ បែបនេះ គឺ នឹងពិបាក បណ្តេញពួកគេចេញជាមិនខាន និង មួយទៀត កំពុងប៉ះពាល់ដល់ បរិស្ថាន ព្រោះតែការចោលកាកសំណល់ និង បន្ទោរបង់ ចូលទឹកទន្លេ ។
តាមការអោយ ដឹងពីប្រជាពលរដ្ឋ បានប្រាប់មក CPC NEWS ថា បែ ចិញ្ចឹមត្រី និង ផ្ទះបណ្តែតទឹករបស់ជនជាតិ វៀតណាម នេះ គឺ ពួកគេទើបធ្វើដំណើររ ពីខេត្តកំពង់ឆ្នាំង ដែលអាជ្ញាធរ នៅទីនោះ បានសម្រេចផ្លាស់ទីលំនៅមិន អោយរស់នៅលើទឹកទៀតទេ ។
ដោយសារតែមិនចេះ រស់នៅលើគោក នោះ ក្រុមជនជាតិ វៀតណាម បានធ្វើដំណើរជាបន្តបន្ទាប់ រហូតមកតាំងទីលំនៅមិនអចិន្ត្រៃយ៍ និង កំពុងកើនឡើង ជាបន្តបន្ទាប់ នៅចំណុចក្រោមស្ពានព្រែកព្នៅ ដែលកំពុងបង្កនូវ បញ្ហាប្រឈមមួយចំនួន នាពេលបច្ចុប្បន្ន នេះ និង នាពេលអនាគត ប្រសិនបើអាជ្ញាធរ ពាក់ព័ន្ធមិនមានវិធានការអោយ ទាន់ពេលវេលា ទេ ។
បញ្ហា ប្រឈមចំនួន២ ដែលប្រជាពលរដ្ឋ លើកឡើង គឺ ទី១ ថ្ងៃអនាគតនឹងពិបាក បណ្តេញពួកគេចេញពីការរស់នៅ លើទឹក អោយមករស់នៅ លើគោក វិញ មានដូចឧទាហរណ៍ស្រាប់ នៅខេត្តកំពង់ឆ្នាំង និង ទី២ ពួកគេកំពុង បំផ្លាញបរិស្ថាន តាមរយៈការចោលកាកសំណល់ ផ្សេងៗចូលទឹកទន្លេ និង ការបន្ទោរបង់ ផងដែរ ។
ជុំវិញបញ្ហានេះ ប្រជាពលរដ្ឋ បានសំណូមពរដល់ អាជ្ញាធរពាក់ព័ន្ធ ជាពិសេសលោក ឃួង ស្រេង អភិបាលរាជធានីភ្នំពេញ មេត្តាមានវិធានការអោយបាន ទាន់ពេលវេលា និង មានប្រសិទ្ធភាព ផង ។
ជុំវិញបញ្ហានេះ លោក ម៉េត មាសភក្តី អ្នកនាំពាក្យរដ្ឋបាល រាជធានីភ្នំពេញ ថ្លែងប្រាប់ CPC NEWS នៅថ្ងៃទី៨ ខែមករា ឆ្នាំ២០២១ នេះ ថា លោកបានណែនាំអោយ អាជ្ញាធរចុះទៅធ្វើការងារ នេះហើយ ដោយអោយពួកគាត់ រុះរើចេញពីទីតាំងសាង សង់មិនស្របច្បាប់ នេះ ។លោក បន្តថា ការងារនេះនឹងធ្វើក្នុងពេលឆាប់ៗ ខាងមុខនេះ ហើយពួកគាត់ត្រូវរុះរើ ចេញពីភូមិសាស្ត្ររាជធានីភ្នំពេញ ៕
