នៅថ្ងៃទី១២ ខែមករា ឆ្នាំ២០២១នេះ ក្រសួងទេសចរណ៍ កម្ពុជា បាន សេចក្ដីប្រកាសព័ត៌មានមួយ ដោយបានបញ្ជាក់ថា ប្រទេស កម្ពុជា ជាប់ចំណាត់ ថ្នាក់លេខ១ លើពិភពលោក ក្នុងការទប់ ស្កាត់ជំងឺកូវីដ-១៩។ សេចក្ដីប្រកាស ព័ត៌មាន បានឲ្យដឹងថា កាលពីខែវិច្ឆិកា ឆ្នាំ២០២០
ការិយាល័យសេដ្ឋកិច្ចសេណេហ្កាល់ បានចុះផ្សាយរបាយការណ៍ ស្ដីពីការផ្ដល់ ចំណាត់ថ្នាក់ដល់ប្រទេស ដែលគ្រប់គ្រង ជំងឺកូវីដ-១៩បានល្អបំផុតនៅលើពិភពលោក។ ក្នុងនោះប្រទេសកម្ពុជាឈរនៅលើចំណាត់ ថ្នាក់លេខ៣ បន្ទាប់ពីSaint Kitts និងNevis ដែលជារដ្ឋតូចនៃតំបន់ ការ៉ាអ៊ីប និងស៊ីស្សែល។
ជាងនេះទៅទៀត កាលពីថ្ងៃទី២០ ខែធ្នូ ឆ្នាំ២០២០កន្លងទៅថ្មីៗនេះ ការិយាល័យសេដ្ឋកិច្ចសេណេហ្កាល់ដដែល ក៏បានចុះផ្សាយ របាយការណ៍របស់ខ្លួនថ្មីថា «កម្ពុជាបានជា ប់ចំណាត់ថ្នាក់ លេខ១ លើពិភពលោក ក្នុងការប្រយុទ្ធ ប្រឆាំ ង និងការទប់ ស្កាត់ការរាតត្បាតនៃជំងឺកូវីដ-១៩» ដែលមានពិន្ទុ១/១(១ជាពិន្ទុខ្ពស់បំផុតនៃការធ្វើចំណាត់ថ្នាក់)ក្នុងចំណោម១៦៦ប្រទេសនៅ លើពិភពលោក បន្ទាប់មកគឺប្រទេសស៊ូដង់ខាងត្បូង និងប្រទេសប្រ៊ុណេ ដែលមានពិន្ទុ០,៩៩។
ក្រសួងទេសចរណ៍ តាមរយៈសេចក្ដីប្រកាស របស់ខ្លួនដដែល បានបញ្ជាក់ទៀតថា ដោយមានការគ្រប់គ្រងយ៉ាងល្អ និងម៉ឺងម៉ាត់ របស់រាជរដ្ឋាភិបាលកម្ពុជា ក្នុងការ ប្រយុទ្ធប្រឆាំងជំងឺកូវីដឥ១៩ ប្រទេស កម្ពុជាបានក្លាយជា ប្រទេសមួយក្នុង ចំណោមប្រទេស ដែលមានសុវត្ថិភាពបំផុតក្នុងការមកទស្សនា
ទោះបីនៅក្នុងអំឡុងពេលនៃការឆ្លងរាលដាល នៃជំងឺកូវីដឥ១៩។ ចំណាត់ ថ្នាក់នេះ ជាមោទនភាពជាតិមួយផ្សេងទៀត របស់ប្រទេសកម្ពុជា និងជាឱកាសដ៏ល្អក្នុងការផ្សព្វផ្សាយ«កម្ពុជា-ព្រះរាជាណា ចក្រអច្ឆរិយៈ ផ្ដល់ភាពកក់ក្ដៅ» ជូនដល់ភ្ញៀវទេស ចរជាតិ និងអន្តរជាតិនៅ គ្រប់កាលៈទេសៈទាំងអស់។
ជាមួយគ្នានេះក្រសួងទេសចរណ៍ ក៏បានអបអរសាទរចំពោះការជាប់ ចំណាត់ ថ្នាក់ លេខ១ លើពិភពលោកក្នុងការ ប្រយុទ្ធប្រឆាំង នឹងជំងឺកូវីដ-១៩ របស់កម្ពុជា និងស្នើសុំការ គាំទ្រ និងកិច្ចសហប្រតិបត្តិការពី គ្រប់ភាគីស្ថាប័នពាក់ ព័ន្ធ ប្រតិបត្តិករទេសចរណ៍ ដៃគូអភិវឌ្ឍន៍ សាធារណជន
និងប្រព័ន្ធផ្សព្វ ផ្សាយជាតិ អន្តរជាតិ ក្នុងការផ្សព្វផ្សាយ ដំណឹងដ៏រីករាយនេះ ដល់ដៃគូពាក់ព័ន្ធ ទេសចរជាតិ អន្តរជាតិទាំងអស់ នៅជុំវិញពិភពលោក ថា «កម្ពុជា ជាប្រទេសមួយក្នុងចំណោមប្រទេស ដែលមានសុវត្ថិភាព បំផុតក្នុងការមកទស្សនា ក្នុងអំឡុងពេលរីករាលដាល នៃ ជំងឺកូវីដ-១៩។
សូមជម្រាបថា ចាប់តាំង ពីដើមឆ្នាំ២០២០ មកដល់ដើមឆ្នាំ២០២១នេះ ប្រទេសកម្ពុជាបានរកឃើញករណីវិជ្ជមានជំងឺកូវីដ-១៩ចំនួន ៣៩៨ករណី និងបានព្យាបាលឲ្យជាសះស្
បើយចំនួន៣៧៦នាក់ ហើយអ្នកជំងឺដែល កំពុងសម្រាកព្យាបាល នៅសល់តែ ២២នាក់តែប៉ុណ្ណោះ។ ក្នុងនោះ នៅក្នុងប្រទេសកម្ពុជា ពុំមានអ្នក ជំងឺកូវីដ-១៩ណាម្នាក់បានស្លា.ប់នោះឡើយ៕
