មានការភ្ញាក់ផ្អើលឆោឡោមួយ នារសៀលថ្ងៃទៅ ២១ មករា ២០២១ នេះ មានស្ត្រីម្នាក់ បានចាញ់បោកប្រាក់អស់ ១ ៨០០ ដុល្លារ ក្រោយចូលបំពេញ តាមតំណរ Link បោ ក ប ញ្ឆោតរបស់ជន ខិលខូច ដែលបន្លំធ្វើជាធនាគារ អេស៊ីលីដា ផ្ញើសារចូលតាម លេខទូរស័ព្ទរបស់ប្រជាពលរដ្ឋ ។
នេះបើតាមប្រភពពីលោក សូឡា បុគ្គិលិកវិទ្យុ ABC Cambodia បានឱ្យដឹងនារសៀលនេះ ។ នាពេលថ្មីៗនេះ តាមរយៈការផ្សព្វផ្សាយ របស់ធនាគារអេស៊ីលីដាបានឱ្យដឹងថា មានជនខិលខូចបានផ្ញើសារ ដែលបន្លំធ្វើជាសាររបស់ខ្លួន ដែលមាន តំណរភ្ជាប់ទៅគេហទំព័រក្លែងក្លាយ ។
បើតាមការស្រាវជ្រាវ របស់នាយកដ្ឋានប្រឆាំង បទ ល្មើសបច្ចេកវិទ្យា បានរកឃើញថា គេហទំព័រក្លែងក្លាយ ដែលជនខិលខូច បានបង្កើតនេះ គឺវាដូចគ្នា ទៅនឹងការបង្កើតសម្រាប់ធនាគារកាណាឌីយ៉ា ដែលខាងនាយកដ្ឋានបានផ្សព្វផ្សាយកាលពីចុងសប្តាហ៍កន្លងទៅ។
ខាងនាយកដ្ឋានបានបញ្ជាក់ ផងដែរថា គោលបំណងនៃគេហទំព័រ ទាំងនេះ បង្កើតឡើងដើម្បីបោកបញ្ឆោត យកព័ត៌មាន មានដូចជា ឈ្មោះ ថ្ងៃខែឆ្នាំកំណើត លេខអត្តសញ្ញាណបណ្ណ លេខទូរសព្ទ ឈ្មោះសម្រាប់ចូលទៅក្នុងគណនី និងលេខសម្ងាត់ ដែលអាចឱ្យពួកគេចូលទៅក្នុងគណនីធនាគារ ក្នុងគោលបំណងលួចយកប្រាក់កាសរបស់លោកអ្នកតែប៉ុណ្ណោះ។
ដូច្នេះហើយ ខាងនាយកដ្ឋានប្រឆាំង បទល្មើសបច្ចេកវិទ្យា បន្តធ្វើការ ណែនាំជាថ្មីម្ដងទៀតដល់អ្នកប្រើប្រាស់ទាំងអស់ឱ្យមានការប្រុងប្រយ័ត្ន នៅពេលដែលទទួលបាន សារណាមួយ ដែលទាមទារឱ្យផ្ដល់ព័ត៌មាន ផ្ទាល់ខ្លួន ហើយដើម្បីចៀសវាងពីការបោ.ក.ប.ញ្ឆោ.តនេះ លោកអ្នកគួរ តែធ្វើការទំនាក់ទំនងទៅក្រុមហ៊ុនផ្ទាល់ តាមរយៈលេខទូរសព្ទ ដើម្បីទទួលបានព័ត៌មានបន្ថែម៕
អូ
