នៅថ្ងៃទី ២៦ មករា ២០២១ នេះក្រសួងសុខាភិបាល នៃប្រទេសកម្ពុជា បានចេញ សេចក្ដីប្រកាសព័ត៌មានជាថ្មីម្ដងទៀត ជុំវិញការពង្រឹង លើវិធានការនានា ដើម្បី ទប់ស្កាត់ការរីករាលដាលជំងឺកូវីដ ១៩ នៅក្នុងសហគមន៍ ។
តាមសេចក្ដីអំពាវនាវ របស់ក្រសួងសុខាភិបាល ដើម្បីពង្រឹងការ អនុវត្តវិធានការសុខាភិបាលឲ្យមានប្រសិទ្ធភាព សម្តេចតេជោ នាយករដ្ឋមន្ត្រី បានឯកភាព ប្រគល់ជូន អាជ្ញាធរថ្នាក់ក្រោមជាតិ ឲ្យទទួលខុសត្រូវតាមដាន និងគ្រប់គ្រងការអនុវត្តវិធានការសុខាភិបាល នៅតាមមូលដ្ឋាន
ក្រោមដែនសមត្ថកិច្ចរបស់ខ្លួន ដូច្នេះមុននឹងអនុញ្ញាតឲ្យមានការរៀបចំពិធីបុណ្យ ឬកម្មវិធីផ្សេងៗ អាជ្ញាធរថ្នាក់ក្រោមជាតិ ត្រូវធ្វើការណែនាំម្ចាស់ពិធីបុណ្យ ឬកម្មវិធី អំពីវិធានការសុខាភិបាល ដូចខាងក្រោម៖
១. ណែនាំឲ្យម្ចាស់កម្មវិធី និងភ្ញៀវចូលរួមការអនុវត្តវិធានការ សុខាភិបាល ដូចជា បំពាក់ម៉ាស៊ីនវាស់ កំដៅស្វ័យប្រវត្តិ ឬទែម៉ូម៉ែត្រវាស់កំដៅ ដោយដៃ ដាក់អាល់កុល ឬជែលលាងដៃ នៅគ្រប់ច្រកចូល និងដាក់អាល់កុល ឬដែលលាង ដៃនៅ ក្នុងទីតាំងប្រតិបត្តិការរបស់ខ្លួន និងតម្រូវឲ្យលាងដៃជាញឹក ញាប់ ជាពិសេសបន្ទាប់ពីបាន ប៉ះពាល់វត្ថុផ្សេងៗ ក្រោយពេលចូលបន្ទប់ទឹក និងមុនពេលបរិភោគអាហារ។ល។
២. រៀបចំទីតាំងឈរ ឬអង្គុយសម្រាប់ភ្ញៀវ និងអ្នកបំរើសេវាកម្មក្នុងពិធី ដោយរក្សាគម្លាតសុវត្ថិភាព បុគ្គលឲ្យបានយ៉ាងតិច ១.៥ម៉ែត្រឡើងទៅពីបុគ្គលម្នាក់ ទៅបុគ្គលម្នាក់។
រៀបតុអាហារដោយកំណត់ចំនួនភ្ញៀវអង្គុយត្រឹម ៥ នាក់ ក្នុងមួយតុ ដែលទំលាប់ពីមុនអង្គុយ ១០ នាក់។ ៣. ធ្វើបដិសណ្ឋារកិច្ច ត្រូវធ្វើតាមទំនៀមទំលាប់ប្រពៃណីខ្មែរ ដោយលើកដៃសំពះ ចៀសវាងការចាប់ដៃ ឱបគ្នាជាដើម។
ដាក់បង្ហាញនូវស្លាក សញ្ញាណែនាំការពាក់ម៉ាស់ និងរក្សាអនាម័យដៃស្អាត និងណែនាំអនាម័យពេលិក គ្រប់ច្រកចូល និងទីតាំងដែលអាចមើលឃើញទាំងអស់គ្នា។ ៤. អាជ្ញាធរថ្នាក់ក្រោមជាតិ ត្រូវចាត់ក ម្លាំ ងសមត្ថកិច្ចធ្វើការ តាមដាន និងណែនាំ ដល់ម្ចាស់កម្មវិធីបុណ្យផ្សេងៗ កម្មវិធី អាពាហ៍ពិពាហ៍ និងភ្ញៀវចូលរួម បន្ថែមទៀតក្នុង ពេលពិធី ដើម្បីធានាការ អនុវត្តវិធានការ សុខាភិបាលក្នុងពេល រៀបចំកម្ម វិធីសង្គម នានាឲ្យបានម៉ឺងម៉ាត់ ជាទីបំផុត។
អាស្រ័យហេតុនេះ សូមឯកឧត្តម លោកជំទាវ អភិបាលនៃគណៈ អភិបាលរាជធានី ប្រសិទ្ធភាពខ្ពស់ នូវវិធានការសុខាភិបាល ក្នុងពេលរៀបចំ កម្មវិធីសង្គមនានា ៕
