ឈើឃ្លុំជាង២០០កំណាត់ ត្រូវបាននគរបាល ខេត្តមណ្ឌលគិរីប.ង្ក្រា.ប.បាននៅចំណុចព្រំដែនកម្ពុជា-វៀតណាម ខណៈកំណាត់ ឈើជាច្រើនត្រូវបាន ប្រភពនិយាយថា គេដឹកជញ្ជូនទៅលក់ឲ្យ ថៅយួន អស់មួយគំនរធំ ទៅហើយ ។
ប្រតិបត្តិការប.ង្ក្រា.ប.ឈើទ្រង់ទ្រាយធំនេះ បានធ្វើឡើងកាល.ពីថ្ងៃទី២៤ មករា ២០២១ ក្រោយមានការ.ស្ង.ប់ស្ងាត់.អស់មួយរយៈពេលធំ.នៅចន្លោះប៉ុស្តិ៍អូររ៉ូ និង ប៉ុស្តិ៍ម្រើច ភូមិកោះម្យើលលើ ឃុំណង ឃីលិក ស្រុកកោះញែក ខេត្តមណ្ឌលគិរី និយាមការ លេខ ០៧៧៥៣៥៥-១៤៥៥៩១៤ ក្នុងដែនសមត្ថកិច្ច ដែនជម្រកសត្វព្រៃ ស្រែពក និងវរនគរបាលកាពារព្រំដែនគោក លេខ៣០៣ ។
សមត្ថកិច្ច ចម្រុះ មានសមាសភាព ដូចជាស្នងការ រងព្រំដែន, នាយករងដែន ជម្រកសត្វព្រៃស្រែពក, មេបញ្ជាការ/បញ្ជាការងវរៈ ៣០៣, នាយរង(ខ២), អនុប្រធាន ស្នាក់ការ គឺបានដឹកនាំ មន្ត្រី ក្រោមឱវាទចុះ ភ្លាមៗ និងរាយការណ៍ ជូនថ្នាក់លើ រៀងៗខ្លួន ផងដែរ។
ប្រធានមន្ទីរបរិស្ថាន ខេត្តមណ្ឌលគិរី លោក កែវ សុភគ៌ នៅថ្ងៃទី២៥ មករានេះ បានឲ្យដឹងថា ចំណុចកើតមាន បទ ល្មើស គឺស្ថិតក្បែរផ្លូវព្រះ នរោត្តម ចម្ងាយ ពីប៉ុស្តិ៍កាពារព្រំដែនអូររ៉ូ ជាង៣គីឡូម៉ែត្រ និងស្ថិតក្នុងដែន សមត្ថកិច្ចរបស់ដែនជម្រកសត្វព្រៃស្រែ
ពក។
លោកបាននិយាយថា ឈើដែលត្រូវរឹបអូស មានចំនួន ២៣៧កំណាត់ ដោយមាន សុក្រំ ចំនួន ២៣២ កំណាត់, ខ្វាវ ៤ កំណាត់ និងធ្មៀរ ១កំណាត់ រួមទាំង វត្ថុតាងមួយចំនួន។សមត្ថកិច្ច កំពុងរិះរកវិធីដឹកឈើទាំងនោះ ដោយប្រើម៉ូតូ យកវត្ថុតាង ទៅរក្សាទុក នៅប៉ុស្តិ៍នគរបាលអូររ៉ូ ដើម្បីចងក្រងសំណុំរឿង តាមច្បាប់ស្តីអំពីតំបន់កាពារធម្មជាតិ។
លោក ប៉ែន ភ័ក្ត្រត្រា នាយកដែន ជម្រកការពារសត្វព្រៃ ស្រែពកបានឲ្យអ្នកកាសែត ដឹងនៅរសៀលថ្ងៃទី២៥ មករា ថា សូមមើលតាមចំណុច ផែនទីនេះ គឺនៅជាប់ ខ្សែ បន្ទាត់ព្រំដែន កន្លងមក ខាងបរិស្ថាន មិនបានដាក់ស្នាក់ការ ឈរជើង នៅនោះទេ ដោយសារការខ្វះខាតកម្លាំង។
ហើយនោះគឺទីតាំងតាមបន្ទាត់ព្រំដែនវាគឺជាតំបន់ដែលមិនទាន់មាន ការដោះស្រាយរវាងអាជ្ញាធររដ្ឋាភិបាលប្រទេស ទាំងពីរ ដូច្នេះការដាក់ ទីតាំងអ្វីនោះ គឺមិនទាន់ មាននោះទេ។
អញ្ចឹងយើងមើលផែនទីនេះ ទៅគឺដឹងថាឈើនៅកន្លែងណា ដោយលោកនាយក ដែនជម្រកបានបញ្ជាក់ថា កុំឱ្យពិបាកឆ្ងល់ឬការ ពន្យល់អ្វី យកផែនទីទៅមើល ទៅគឺ ដឹងហើយថាវាយ៉ាងម៉េច ហើយគិតមួយសន្ទុះ ទៅគឺដឹងហើយ បើមានករណី នេះគឺ ខាងបរិស្ថានមិនលើកលែង ឲ្យមន្ត្រីឡើយ។ចំណែកលោក ទិន ស៊ីន មេបញ្ជាការវរកាពារព្រំដែនលេខ៣០៣ មិនអាចសុំការបំភ្លឺបានឡើយ ដោយសារគ្មានអ្នកឆ្លើយតប។
ជុំវិញការបង្ក្រាបបទល្មើសព្រៃឈើ នៅចំនុចខាងលើនេះ ហើយមន្ត្រីជំនាញ ឆ្លើយថា មិនដឹង ត្រូវបានលោកស្នងការ នគរបាលខេត្តមណ្ឌលគិរី ប្រតិកម្មតបថា នេះគឺជា ការឆ្លើយចោទប្រកាន់ទៅលើមន្ត្រីកង កម្លាំង ទម្លាក់កំហុសមកលើកម្លាំងសមត្ថកិច្ចទៅវិញ… ?
លោកស្នងការខេត្តបាន បញ្ជាក់ថា ករណីនេះ គឺខាងលោកនិងកម្លាំង របស់លោក បានហៅខាងបរិស្ថានទៅសហការ ដោយសារ តែកម្លាំងរបស់លោកបានរុករកឃើញ និងមានការរាយការណ៍ជូនថ្នាក់លើ រួមជាមួយនឹងការកំណត់ទីតាំង និងការពារវត្ថុតាងរួចរាល់ ទើបកម្លាំងខាងបរិស្ថាននោះ បានចូលទៅដល់តាមក្រោយ ៕
