បើយោងតាមម្ចាស់គណនីឈ្មោះ Bunthoeun Ev កាលពីពេលថ្មីៗនេះ បានបង្ហោះនៅលើបណ្តាញសង្គម ហ្វេសប៊ុក ដោយបានលើកឡើងថាកូន របស់គាត់ត្រូវ បានគ្រូតម្រូវឲ្យបង់លុយ មួយខែ ៦០០០០រៀល ជាថ្លៃដឹងគុណគ្រូ និងត្រូវគេ បណ្តេញចេញពីថ្នាក់ដោយសារ មិនរៀនគួរថែមទៀតផង។
ម្ចាស់គណនី ដដែលបន្តថា “កូនស្រីខ្ញុំត្រូវបានអ្នកគ្រូសាលា សន្ធរម៉ុក បណ្តេញចេញពីថ្នាក់ តាមការ បោះសម្តីរបស់អ្នកគ្រូ បាននិយាយថា បើមិនរៀនគួរទេ ទៅរកគ្រូរក សាលាណារៀនផ្សេងទៅ នៅសាលាសន្ធរម៉ុក បើមិនរៀនគួរ ក៏ត្រូវបង់លុយដែរ ថ្លៃរៀនគួ ដឹងគុណគ្រូមួយខែ ៦០០០០ ៛ ដែរ sic តើខ្ញុំរស់បានដ ល់ពេលណា បើខ្ញុំខំរកលុយ ឱ្យកូនរៀនគួរមិនបានផង”។
ចំណែកម្ចាស់គណនីហ្វេសប៊ុក Srey Neth SreyNeth ក៏បានជួបករណី ស្រដៀងគ្នាបែបនេះផង ដោយបានលើកឡើងថា “សុំទោសទុកជាមុន បើនាងខ្ញុំ post ទៅមានការប៉ះពាល់ ? ដោយសារករណីនេះ ស្រដៀងគ្នាជាមួយកូនខ្ញុំដែរ ។ កូនប្រុសពៅ ខ្ញុំរៀនថ្នាក់ទី ៦ នៅសាលាសន្ធរម៉ុកដែរ គ្រូទាលុយ ៦ មុឺនរៀល តាំងពីថ្ងៃចូលរៀនទី ១ ។
ខ្ញុំសួរថាថ្លៃអីគេអ្នកគ្រូ គាត់ថាវាជា ការដឹងគុណរបស់ ឪពុកម្តាយ ចំពោះគ្រូដែលគាត់មើល និង បង្រៀនកូនយើង ? អុញ…ខ្ញុំគាំងម៉ង ព្រោះខ្ញុំអត់ចង់និយាយច្រើន ជាមួយគាត់នៅមានច្រើនទៀត ដែលគាត់និយាយមកកាន់ខ្ញុំ អស់អារម្មណ៍គោរពអាលីង ? បន្ទាប់មកទៀត ទារលុយម្នាក់ ២ មុឺនរៀល ទិញកង្ហារ ?ហើយថ្នាក់គាត់សិស្សសរុបជាង ៣០ នាក់ ។
ខ្ញុំសុំសួរដូចឆោត អារឿងលុយទិញ កង្ហារហ្នឹង គឺទិញរាល់ឆ្នាំ ឱ្យតែពេល ចូលរៀនគឺប្រមូលហើយ អត់យល់! នៅមានទៀត មិនទាន់អស់ទេ ? យកពីសិស្ស ១ ថ្ងៃ ៥០០ រៀលផ្សេងទៀត និង រ៉ៃលុយពី សិស្សម្នាក់ ៥០០ រៀលរាល់មួយអាទិត្យម្តង ថ្លៃទិញទឹកជូនអ្នកគ្រូពិសា ?
ចា៎…នេះចូលរៀនអត់ទាន់ដល់មួយខែទេ ចាំមើលតើខែបន្ទាប់ៗ នៅមានអីកើតឡើងទៀត…ហើយ សូមបញ្ជាក់ផងដែរ អា៦ មុឺនថ្លៃទឹកចិត្តហ្នឹង គឺជូនជារៀងរាល់ខែ ខកបានតែ ហាមខាន ? ។ សុំបញ្ជាក់មួយទៀត ៖បើលុយរៀនគួរ ខ្ញុំមិនថាទេ ព្រោះនេះជារឿងធម្មតា ដែលគាត់បង្រៀនកូនយើងបន្ថែមក្រៅពីម៉ោងសិក្សា ជូនដោយក្តីគោរព”។
ដោយឡែកជុំវិញករណីខាងលើនេះ អង្គភាពយើង នៅមិនទាន់ដឹងថា តើវាជាការពិតឬយ៉ាងណានោះទេ? ប្រសិនបើជាខាងនាយក សាលាសន្ធរម៉ុក ចង់បំភ្លឺរឿងនេះ អង្គភាពយើងនឹងធ្វើការបកស្រាយឲ្យដឹងការពិត ដើម្បីជៀសវាងធ្វើឲ្យប៉ះពាល់ដល់កិត្តិយស និងតម្លៃរបស់គ្រូបង្រៀនផងដែរ៕
