មហាជនអ្នកលេង បណ្ដាញសង្គម បានស្គាល់រួចហើយពីអ្នក លក់ឡេ អនឡាញដ៏ល្បី ឈ្មោះ អាជី ដែល រូបនាង ទទួលបានការ ចាប់អារម្មណ៍ខ្លាំង ពីសំណាក់ មហាជន ជាមួយ នឹងជីវិត ដ៏ហ៊ឺហារបស់នាង ដោយមួយថ្ងៃៗនាង រកស៊ីបានប្រាប់ ចំណូលហូរដូចទឹក ។អូ
ជាពិសេស អ្នកលេងបណ្ដាញសង្គម កាន់តែចាប់អារម្មណ៍ជាមួយ នឹងជីវិតស្នេហារបស់នាង ក្រោយពីនាងបាន បើកចំហ ជាសាធារណៈពីទំនាក់ទំនងនាង ជាមួយគូស្នេហ៍ ដែលជាកូនអ្នកមានទ្រព្យម្នាក់ ។
ដោយឡែកព្រឹកថ្ងៃទី ២២ ខែកក្កដា ឆ្នាំ ២០២១ នេះ អ្នកលក់ឡេ អនឡាញល្បីឈ្មោះរូបនេះ បានភ្ជាប់ ពាក្យជាមួយនឹង គូស្នេហ៍រូបសង្ហានេះហើយ ។ អ្វីដែលកាន់ តែគួរឱ្យចាប់អារម្មណ៍ និង ធ្វើឱ្យមហាជន មានការភ្ញាក់ផ្អើលខ្លាំងនោះ ក្នុងកម្មវិធីភ្ជាប់ពាក្យនេះ អាជី ទទួលបានបណ្ដាការ យ៉ាងសន្ធឹក សន្ធាប់ពី ខាងប្រុស ដែលមានទាំងលុយសុទ្ធរាប់លានរៀលព្រមទាំងគ្រឿងអលង្កា ថែមទាំងផ្ទះវីឡាជិតខ្ទង់ លានដុល្លារ ថែមទៀតផង ។
អ្នកប្រើប្រាស់ បណ្តាញសង្គមហ្វេសប៊ុក ជាច្រើននាក់ បានដាក់ការសង្ស័យចំពោះទឹកប្រាក់ដច្រើន សន្ធឹកសន្ធាប់ ជាបណ្តាការ ជា លុយរៀល គឺជាលុយខាងស្រី បានមកពីការលក់ឡេតាមអនឡាញ ហើយអោយខាងប្រុស ដើម្បីសម្តែង អោយសាកសម ទៅនឹងតម្លៃខ្លួន ដែលខ្លួនចង់បានទៅវិញ។
បើតាមការបង្ហោះលើបណ្ដាញសង្គមរបស់ លោក អ៊ឹម ជីវ៉ា បានសរសេរថា «Wow ថ្ងៃនេះភ្ជាប់ពាក្យប្អូនស្រី អាជី ទទួលបានចំណងដៃពីខាងប្រុស លុយ ៥០០ លានរៀល ខ្សែករពេជ្រ ជិត ៧០០០០ ដុល្លារ និង វីឡាតម្លៃជិតកន្លះលានដុល្លារ សូមជូនពរប្អូនស្រីប្អូនប្រុសមានសុខភាពល្អ ស្រឡាញ់គ្នារហូតណា» ។
បន្ទាប់ពីបានឃើញដូចនេះ ពិតជាធ្វើឱ្យមហាជនមានការចាប់អារម្មណ៍ និង ភ្ញាក់ផ្អើលយ៉ាងខ្លាំង ព្រមទាំងបានចូលខមមិនចូលអបអរសាទរ និង ជូនពរដល់រូបនាង និង គូដណ្ដឹងគ្រប់ៗគ្នា ៕
